बेवारिसे अवस्थामा भेटिएको ६० लिटर घरेलु मदिरा नष्ट

रामेछाप– प्रहरीले बसमा बेवारिसे अवस्थामा भेट्टाएको घरेलु मदिरा नष्ट गरेको छ । प्रहरीले बुधबार बिहान रामेछापबाट मन्थली तर्फ आउँदै गरेको बा २ ख ५२९० नं को यात्रुवाहक बसमा  मन्थलीको भैसेश्वर चोकमा चेकजाँच गर्ने क्रममा बेवारिसे अवस्थामा भेट्टाएको ६० लिटर अवैध घरेलु मदिरा नियान्त्रणमा लिएर नष्ट गरेको हो ।

कनूनी रुपमा अबैध मानिको घरेलु मदिरा विक्रिवितरण गर्न नपाउँने भएको र उक्त बसमा बेवारिसे अवस्थामा भेटिएको अबैध घरेलु मदिरा मन्थली नगरपालिका वडा नं १ का वडाध्यक्ष नाराणदाश श्रेष्ठ, स्थानीय र प्रहरीको रोवहरमा नष्ट गरिएको भैसेश्वर प्रहरी चेक पोष्टका इन्चार्ज मानसिं तामाङले बताए ।