रामेछाप– रामेछापको ६ स्थानीयत तहमा नेपाल शिक्षक संघको स्थानीय प्रतिनिधि सभा सम्पन्न भएको छ । स्थानीय तहमा भएका पालिका स्तरीय नेपाल शिक्षक संघले शनिबार जिल्लाको उमाकुण्ड र लिखुतामाकोशी गाउँपालिका बाहेक दुई नगरपालिका र चार गाउँपालिकामा तेस्रो स्थानीय प्रतिनिधिसभा सम्पन्न गरेका हुन् ।
‘‘केन्द्रीय निर्देशन अनुसार हामीले पनि एकै समयमा ६ स्थानीय तहमा स्थानीय प्रतिनिधि सभा सम्पन्न गरेका छौ, नेपाल सिक्षक संघ रामेछापका सचिब अर्जुन बहादुर श्रेष्ठले भने,‘मौसम लगायत विभिन्न कारणले गर्दा उमाकुण्ड र लिखुतामाकोशी गाउँपालिकामा भने गर्न सकेनौँ । त्यहाँ पनि फागुन १ गते गर्ने मिति तय भएको छ ।’’
नेपाल शिक्षक संघले गरेका वर्षभरीका कामको समिक्षा र आगामी वर्षका लागि गरिने विभिन्न कामको योजना बनाउँदै प्रतिनिधिसभा सम्पन्न गरिएको सचिब श्रेष्ठले बताए ।
सचिब श्रेष्ठका अनुसार मन्थली नगरपालिकामा नेपाल शिक्षक संघ मन्थलीका नगर अध्यक्ष बुद्धीराज फुयालको अध्यक्षता तथा शिक्षक संघ रामेछापका जिल्ला अध्यक्ष नवराज घिमिरेको प्रमुख आतिथ्यतामा सम्पन्न भएको छ । त्यस्तै रामेछाप नगरपालिकामा नेपाल शिक्षक संघ रामेछापका नगर अध्यक्ष रुद्र बहादुर खत्रीको अध्यक्षता तथा नेपाली काँग्रेस रामेछापका जिल्ला सभापति लवश्री न्यौपानेको प्रमुख आतिथ्यतामा कार्यक्रम सम्पन्न भएको छ ।
त्यसैगरी खाँडादेवी गाउँपालिकामा शिक्षक संघका पालिका अध्यक्ष पदम बहादुर मानन्धरको अध्यक्षता तथा डा. सुमन कर्माचार्यको प्रमुख आतिथ्यतामा कार्यक्रम भएको छ भने सुनापतिमा शिक्षक संघका पालिका अध्यक्ष ज्ञानेन्द्र बहादुर मोक्तानको अध्यक्षता तथा शिक्षक संघ रामेछापका सचिव अर्जुन बहादुर श्रेष्ठको प्रमुख आतिथ्यता कार्यक्रम भएको छ ।
दोरम्बामा शिक्षक संघका पालिका अध्यक्ष निर बहादुर थापामगरको अध्यक्षता तथा शिक्षक संघ रामेछापका उपाध्यक्ष कविन्द्र तामाङको प्रमुख आतिथ्यतामा र गोकुलगंगामा शिक्षक संघका पालिका अध्यक्ष रामप्रसाद घिमिरेको अध्यक्षता तथा नेपाल सिक्षक संघ रामेछापका सहसचिवको सहजीकरणमा कार्यक्रम सम्पन्न भएको छ ।
प्रतिनिधि सभामा पालिका स्तरमा काम गरीरहेका शिक्षकहरुले भोग्दै आएका समस्या र त्यसको समधानको विषयमा समेत छलफल भएको बताइएको छ ।
