रामेछाप– नेकपा प्रचण्ड–माधव समूहको नेपाल बन्द प्रवभाले रामेछापमा सवारीका साधन र ढुवानीका साधन पूर्ण रुपमा बन्द भएका छन् । विहिबार विहानै प्रचण्ड–माधव समूहले रामेछापमा बन्द सफल पार्न मन्थली बजारमा सूचना जारी गर्दै सवारीका साधन र ढुवानीका साधन नचलाउन अनुरोध गरेका थिए । त्यसैको असरले सवारीका साधन र ढुवानीका साधन ठप्पा भएपनि पसलहरु भने आंशिक रुपमा खुलेका छन् ।
रामेछापमा बन्द सफल पार्न नेकपा प्रचण्ड–नेपाल समूह रामेछापका अध्यक्ष मैन कुमार मोक्तान सहितको टोली मन्थली बजारमा निस्केका छन् । लामो तथा छोटो दुरीका सवारीका साधन संचालन नहुँदा यात्रुहरुलाई मर्क परेको छ ।
थप फोटोमा
