मन्थली– जापनीज प्रविधिबाट निर्मित होण्डा कम्पनीका मोटरसाइकल र स्कुटरको विक्रि केन्द्र रामेछापको सदरमुकाम मन्थलीमै खुलेको छ । रामेछाप जिल्ला र आसपासका जिल्लालाई समेत समेट्ने गरी रामेछापको सदरमुकाम मन्थलीमा सेतीदेवी अटो मोबाइल्स प्रा.लिले होण्डा कम्पनीका मोटरसाइकल, स्कुटर र आवश्यक पार्टसहरुको विक्रि केन्द्र खोलेको हो ।
मोटरसाइकल, स्कुटर र आवश्यक पार्टसहरुको विक्रि केन्द्रको मन्थली नगरपालिकाका प्रमुख रमेश कुमार बस्नेतले बुधबार उद्घाटन गरेका छन् । उद्घाटन गर्दै नगर प्रमुख रमेश कुमार बस्नेतले व्यवसायिक रुपमा काम गर्न सुरु गर्ने युवाहरुलाई मन्थली नगरपालिकाले सहयोग गर्ने बताए ।
मन्थलीको भैँसेश्वर चोकमा खुलेको बिक्री तथा सर्भिस केन्द्रले रामेछाप, दोलखा, सिन्धुली लगायत जिल्लाका सेवाग्राहीहरुलाई सेवा दिने गरी सेतिदेबी अटोमोबाइल्स प्रालिले काम सुरु गरेको कम्पनीका संचालक सुदिप थापाले बताए । थापाका अनुसार सेतिदेबी अटोमोबाइल्स प्रालिमा दुई लाख ४२ हजार माथि मूल्य पर्ने मोटरसाइकल र दुई लाख १३ हजार भन्दा माथि मूल्य पर्ने स्कुटर र आवश्यक पर्ने पार्टसहरु पाइने छ । विभिन्न समयमा सेवाग्राहीलाई छुटसहितका योजना समेत ल्याइने कम्पनीको योजना रहेको संलाक थापाले बताए ।
