रामेछाप- पूर्व मन्त्री एवं दाहाल–नेपाल समूहका युवा नेता योगेश भट्टराईले प्रधानमन्त्रीका कारण मुलुकको राष्ट्रियता खतरामा परेको बताएका छन् । आइतबार प्रेस संगठन रामेछापले आयोजना गरेको पत्रकार भेटघाट कार्यक्रममा आफ्नो धाराण राख्दै नेता भट्टराईले प्रधानमन्त्री केपी शर्मा ओलीले संसद विघटन गरेपछि मुलुकमा देशी विदेशी शक्तिहरुले चासो राख्दै जाँदा त्यसले राष्ट्रियता माथि नै गम्भिर प्रश्न उठेको बताएका हुन् ।
संविधान निर्माणसँगै नेपालीहरुको राष्ट्रियता मजबुद बनेको थियो र देशी विदेशी शक्तीहरुले नेपालको आन्तरिक मामलामा हस्तक्षेप गर्न नसक्ने अबस्था हामीले बनाएका थियौ, नेता भट्टराईले भने, ‘प्रधानमन्त्रीको अहिलेको असंवैधानिक कदमले अहिले राष्ट्रियता माथि नै गम्भिर प्रश्न उठेको छ ।’
प्रधानमन्त्रीले संसद विघटन गर्न संविधानको धारा ७६ मा टेकेर गरेको भन्ने कुरा गलत भएको भन्दै नेता भट्टराईले धारा ७६ मा प्रधानमन्त्रीलाई संसद विघटन गर्ने व्यवस्था नै नभएको प्रष्ट पारे ।
संसद विघटन गर्नु असंवैधानिक, प्रतिगामी, प्रतिक्रान्तिकारी, अलोकतान्त्रिक भएकाले विकासको गतिमा अगाडि बढेको मुलुकलाई पछाडी धकेल्ने काम भएको नेता भट्टराईको आरोप रहेको छ । भट्टराई नेकपा रामेछाप दाहाल–प्रचण्ड समूहले आयोजना गरेको बृहत् कार्यकर्ता भेलालाई संवोधन गर्न आइतबार रामेछाप आइपुगेको हुन् ।
आफ्नो प्रतिकृया दिनुहोस्