रामेछाप– गोकुलगंगा गाउँपालिका वडा नं ५ नामाडीका ५ ओटा विद्यालयमा अध्ययनरत विद्यार्थीलाई माक्स वितरण भएको छ । नेपाल तरुण दल रामेछापका अध्यक्ष काजी बहादुर खड्का ‘दिनेश’ को व्यक्तिगत सहयोगमा नामाडीका पाँच ओटा विद्यालयमा अध्ययनरत ११ सय विद्यार्थीलाई माक्स वितरण गरिएको स्थानीय भुमिराज खड्काले बताए । बुधबार विद्यालयमै पुगेर भुमीराज खड्का सहितको टोलीले माक्स वितरण गरेको हो ।
“पाँच ओटा विद्यालयमा पढ्ने विद्यार्थीहरु बिना माक्स विद्यालय आउँछन, कोरोना महामारीको बेला उनिहरुका लागि अति जोखिम हो, स्थानीय भुमिराज खड्काले भने, ‘कोरोनाबाट बच्नको लागि हामीले निःशुल्क माक्स वितरण ग¥यौँ ।”
अभिभावक, शिक्षक र विद्यालय व्यवस्थापन समितिले विद्यार्थीहरुको स्वास्थ्यलाई ख्याल नगरेको कारण आफूहरुले माक्स लगाउन अनुरोध गर्दै माक्स वितरण गरिएको भुमिराज खड्काको भनाई रहेको छ । कमलादेवी माविका पूर्व अध्यक्ष समेत रहेका खड्काका अनुसार स्थानीय सरकार, अभिभावक, शिक्षक र विद्यार्थीले सचेतना नपनाउँदा कोरोनाको जोखिम विद्यार्थीहरुमा कोरोनाको जोखिम बढेको छ ।
