रामेछाप– नेपाली काँग्रेस रामेछापले केपी ओली नेतृत्वको सरकार भ्रष्ट्रचारी र माफियाको काममा मात्रै क्रियाशिल भएको भन्दै त्यस्ता कामको विरुद्धमा विरोध र्यालीको आयोजना गरेको छ । नेपाली काँग्रेस रामेछापले सोमबार सदरमुकाम मन्थलीमा विशाल र्याली तथा सभाको आयोजना गर्दै केपी ओली नेतृत्वको सरकारले गरेका गलत कामको विरोध जनाएको हो ।
मन्थलीको भैशेस्वर चोकबाट शुरु भइ मन्थली बजार परिक्रमा गरेको र्यालीमा सरकार भ्रष्ट्राचारी र माफिया भएको भन्दै केप ओली सरकार मुर्दाबाद, भ्रष्ट्राचारी सरकार चाहिँदैन, माफिया सरकार राजिनामा दे जस्ता नारा लागेका थिए । देवकोटाचोकमा भएको कोणसभामा बोल्दै नेपाली काँग्रेस रामेछापका नेताहरुले सरकारका गलत क्रियाकलापका कारण देश नै संकटमा पुगेको बताएका छन् । केपी ओली नेतृत्वमा रहेको सरकार नसच्चिए आफ्नै कारण सत्ताबाट बाहिरिनु पर्ने स्थिति आउने काँग्रेस नेताहरुले बताएका छन् ।
बजार परिक्रमा गरेको र्यालीको भिडियो हेर्न यहाँ क्लिक गर्नुहोस…..
आफ्नो प्रतिकृया दिनुहोस्