रामेछाप– खाँडादेवी गाउँपालिकाले आर्थिक वर्ष २०७७/७८ का लागि ल्याएको नीति तथा कार्यक्रममा स्वास्थ्य, कृषि, पर्यटन प्रवद्र्धन लगायतका कार्यक्रमलाई प्राथमिकतामा राखेको छ । कोरोना भाइरसका कारण बेरोजगारीको संख्या बढ्न सक्ने र भोकमारी आउन सक्ने आकलन गर्दै कृषि मार्फत बेरोजगारी घाटाउने र निर्वाहमूखी कृषि उत्पादनलाई व्यावसायिक बनाउने नीति तथा कार्यक्रममा समेटिएको गाउँपालिकाका अध्यक्ष प्रेम तामाङले बताउनुभएको छ ।
हाम्रो प्रहार डटकमको नियमित कार्यक्रम ‘स्थानीय तहमा हामी’ सँग कुराकानी गर्दै कृषिबाटै गाउँपालिकालाई समृद्ध बनाउने गरी आगामी वर्षका लागि नीति तथा कार्यक्रम ल्याएको अध्यक्ष तामाङले बताउनु भएको छ । भूमी बैंक स्थापना गरी कृषिबाटै बेरोजगारी हटाउने विषेश योजना रहेको उहाँले सुनाउनुभयो ।
त्यस्तै आगामी आर्थिक वर्षको नीति तथा कार्यक्रममा स्वास्थ्य, पर्यटन, भौतिक पूर्वधार लगायतका महत्वपूर्ण योजनाहरु पनि समेटिएका छन् । विभिन्न यान्त्रहरु प्रयोग गरेर गरिने भौतिक पूर्वधारको कार्यक्रमलाई एक हजार बढी युवालाई रोजगारी दिने गरी कार्यक्रमको स्वरुपनै परिवर्तन गरिएको पनि उहाँले सुनाउनुभयो ।
असार १० गते भएको सातौ गाउँसभाले नीति तथा कार्यक्रमसँगै आगामी आर्थिक वर्षका लागि ८४ करोड ७२ लाख बराबरको बजेट समेत प्रस्ताव गरेको छ ।
खाँडादेवी गाउँपालिकाका अध्यक्ष प्रेम तामाङसँग गरिएको भिडियो कुराकानी हेर्न यहाँ क्लिक गर्नुहोस
