रामेछाप– रामेछाप उद्योग वाणिज्य संघले कोरोना भाइरस नियन्त्रणका लागि लगाईएको लकडाउनबाट प्रभावित भएका व्यवासयिहरुलाई राहत पुग्ने निणर्य गरेको छ । संघको शनिबार बसेका बैठले आफ्ना सदस्यहरुको सदस्यता नविकरणमा २० प्रतिशत छुट र नविकरण शुल्कमा लाग्ने बिलम्ब शुःल्कमा सतप्रतिशत छुट दिने निर्णय गरेको हो ।
चैत्र महिनाको ११ गते देखि लगतारको लकडाउनका कारण व्यवसायिहरुलाई ठूलो मर्का परेका कारण संघले आफ्ना सदस्यहरुलाई थोरै भएपनि राहत हुने गरि सदस्यता नविकरणमा २० प्रतिशत र नविकरण शुःल्कमा लाग्ने विलम्ब शुःल्क सतप्रतिशत छुट गरिएको संघका महासचिब नवराज ढुंगेलले जानकारी दिनुभयो ।
सदस्यहरुले चैत्र महिनाको मसान्त सम्ममा नविकरण गर्नुपर्ने भएपनि लकडाउनका कारण सदस्यता नविकरण गर्न समस्या भएका कारण संघले नविकरणको समय असार मसान्त सम्म लम्ब्याएको थियो । सोही अनुसार संघले असार मसान्त सम्ममा नविकरण गर्ने सदस्यहरुलाई छुट दिने निर्णय गरेको महासचिव ढुंगेलले बताउनुभयो ।
त्यस्तै उद्योग वाणिज्य संघको भवनमा बस्ने व्यवसायिहरुलाई घरभाडामा २० प्रतिशत छुट दिने निर्णय गरिएको पनि ढुंगेलले बताउनुभयो । उहाँले भन्नुभयो– ‘लकडाउनका कारण जिल्लाभरका व्यवासयिलाई ठूलो मर्का परेको छ । त्यसरी मर्कामा परेका व्यवसायिहरुलाई हामीले घरमाडामा २० प्रतिशत छुट दियौं । भाडामा बस्ने अन्य व्यवसायिलाई घरधनीले पनि छुट दिन सके उनिहरुलाई थोरै भएपनि रहात हुने थियो । त्यसको लागि उद्योग वाणिज्य संघले व्यवसायिहरुलाई सहयोग पुग्ने गरी स्थानीय सरकारहरुलाई व्यवसाय कर, घर बहाल कर र सम्पती कर छुट दिनको लागी आग्रह गर्ने निर्णय पनि गरेको छ ।’
लकडाउनका कारण अहिले पनि निश्चित समयका लागि मात्रै व्यवसायहरु संचालनमा रहेका छन् ।
