रामेछाप – रामेछाप नगरपालिकामा संचालित रामेछाप नगरपालिका प्रथम मेयर कप खुल्ला पुरुष फुटबल प्रतियोगिताको शिल्ड अयोजक समुह रामेछाप नगरपालिकालेनै उचालेको छ ।
रामेछाप नगरपालिकाले पहिलो पटक आयोजनामा गरेको मेयर कप खुल्ला पुरुष फुटबल प्रतियोगिताको सोमबार भएको फाइनल खेलमा रामेछाप नगरपालिकाले आकाशे व्याइज क्लब मन्थलीलाई ३–० गोलको अन्तरमा पराजित गरेको थियो ।
कुल सहभागि १२ वटा टिम मध्ये फाइनलमा पुगेको आकाशे ब्याइज क्लब (ए.बि.सि) मन्थलीले रामेछाप नगरपालिकाको समुह सँग पराजय भए सँगै दोस्रो स्थान हात पारेको छ । प्रतियोगितमा लर्ड बुद्ध (खाल्टे) सिन्धुलीले तृतीय स्थान हासिल गरेको थियो ।
यहि असार २५ गते देखि सञ्चालन भएको प्रतियोगितमा प्रथम, द्धितिय र तृतीय हुने प्रतियोगिहरुलाई रामेछाप नगरपालिकाका प्रमुख नर बहादुर थापामगर, बिभिन्न वडाका वडा अध्यक्षहरु र प्रमुख प्रशासकिय अधिकृत रमेश गौतम लगाएतले क्रमश ३ लाख, २ लाख र एक लाख नगद सहित शिल्ड, मेडल र प्रमाण पत्र प्रदान गरेका थिए ।
प्रतियोगितामा उत्कृष्ठ गोल किपर रामेछाप नगरपालिकाका अंकित शाही, सर्बाधिक स्कोरकर्ता रामेछाप नगरपालिकाकै खेलाडी बबी ताम्बबा र उत्कृष्ठ खेलाडीमा (एबिसी) मन्थलीका मनोज श्रेष्ठ छनौट भएका थिए । उनीहरुलाई पनि प्रमाणपत्र सहित पुरस्कार प्रदान गरिएको थियो । प्रतियोगिता सुरु भए सँगै अबिरल बर्षाका कारण खेल प्रभाबित हुनुका साथै खेल मैदान हिलाम्मे भएर खेलका लागि समस्या भएको थियो ।
