काठमाडौँ- ट्वान्टी–२० विश्वकप छनोट एसिया क्षेत्रको सेमिफाइनलमा यूएईलाई ८ विकेटले हराउँदै नेपाल ट्वान्टी–२० विश्वकपमा प्रवेश गरेको छ । यो जितसँगै नेपाल अर्को वर्ष वेस्ट इन्डिज र अमेरिकाले आयोजना गर्ने विश्वकपमा खेल्न पाउने छ ।
शुक्रबार मूलपानी क्रिकेट मैदानमा भएको सेमिफाइनलमा यूएईलाई ८ विकेटले हराउँदै नेपाल फाइनलसँगै विश्वकपमा प्रवेश गरेको हो । टस जितेर ब्याटिङ गरेको यूएईले २० ओभरमा ९ विकेट गुमाउँदै १ सय ३४ रन बनाएको थियो । नेपालले १७ दशमलव १ ओभरमा २ विकेट गुमाउँदै १ सय ३६ रन बनायो ।
नेपालले आइतबार ओमानसँग फाइनल खेल खेल्नेछ । ओमान बहराइनलाई १० विकेटले हराउँदै फाइनल पुगेको छ ।
