रामेछाप– रामेछाप नगरपालिकाको विभिन्न शाखामा कार्यरत झण्डै दुई दर्जन कर्मचारी सम्मानित भएका छन् । रामेछाप नगरपालिकाको बुधवार सम्पन्न दशौँ नगर सभामा विषयगत शाखामा कार्यरत २३ जना कर्मचारी सम्मानित भएका हुन् ।
सम्मानित हुनेमा रामेछाप नगरपालिकाका प्रमुख प्रशासकीय अधिकृत रामचन्द्र लामगदे, योजना अनुगमन तथा प्रशासन शाखाका शाखा प्रमुख होम बहादुर थापा, आर्थिक प्रशास शाखाका प्रमुख मदन सुवेदी र स्वास्थ्य शाखा प्रमुख विष्णु बहादुर कार्की रहेका छन् ।
त्यस्तै सम्मानित हुने कर्मचारीमा पशुपंछी विकास उपशाखाका काजी शेर्पा, राजस्व उद्योग, वाणिज्य तथा सहकारी उपशाखाका हरिभगत श्रेष्ठ, प्रशासन उपशाखाका नारायण सुवेदी, कृषि विकास उपशाखाका कृष्ण बहादुर भुजेल, भूमी व्यवस्थापन, वस्ती विकास तथा भवन नियमन उपशाखका प्रविण गिरी, कानून न्याय तथा मानव अधिकारी प्रवद्र्धन शाखाका कानूनी सल्लाहाकार लोकहरी दाहाल, सडक तथा अन्य पूर्वाधार विकास उपशाखाका कुशुम भट्टराई, सूचना प्रविधि उपशाखाका दिपक कुमार श्रेष्ठ, नगर प्रमुखका सचिवालयका सोकिय सचिव लक्ष्मण श्रेष्ठ, रामपूर स्वास्थ्य चौकीका सि.अ.ह.व. कृष्ण बहादुर तामाङ, प्रधानमन्त्री रोजगार कार्यक्रमका संयोजक देवश्री त्रिपाठी, आर्थिक प्रशासन योजना शाखाका कम्प्युटर अप्रेरटर नारायण कुमार कार्की, प्रशासन शाखा जिन्सी इकाइका घनामाया श्रेष्ठ, महिला विकास उपशाखाका विमला कुमारी शर्मा, वडा नं २ र ३ का वडा सचिव सागरबाबु पुलामी, स्काइभेटर अपरेटर निम बहादुर तामाङ, कार्यालय सहयोगी गुणराज तामाङ र लक्ष्मी कसाई रहेका छन् ।
नगरको विभिन्न शाखामा रहेर जनप्रतिनिधिले अगाडि सारेका योजनालाई सफल बनाउन नगरको समग्र विकाससँगै सेवा प्रवहामा महत्वपूर्ण योगदान गरको भन्दै नगर प्रमुख नर बहादुर थापामगर र उपप्रमुख सृजना खड्काले दोसल्ला ओढाएर प्रशंसा–पत्र प्रदान गर्दै सम्मान गरेका हुन् ।
करिव २ सय जना कर्मचारी मध्येबाट कामको मूल्यांकणको आधारमा सम्मान गरिएको नगरपालिकाले बताएको ।
