रामेछाप– नेकपा माओवादी केन्द्र रामेछापले ८ स्थानीय तह मध्ये ६ स्थानीय तहमा अधिवेशन सम्पन्न गर्दै नयाँ नेतृत्व चयन गरेको छ । दुई नगरपालिका र ४ गाउँपालिकामा सर्वसम्मत नयाँ नेतृत्व चयन भएको नेकपा माओवादी केन्द्र रामेछापले बताएको छ ।
शनिबार भएको प्रथम नगर अधिवेशनले रामेछाप नगरपालिकाको नगर कमिटी अध्यक्षमा मोतिलाल तामाङ र सचिवमा निर बहादुर श्रेष्ठ चयन भएका छन् । त्यस्तै मन्थली नगर कमिटीको अध्यक्षमा शंकर बोहरा (निर्ममल) र सचिवमा राम तामाङ चयन भएका छन् । दोरम्बा शैलुङ गाउँकमिटीको अध्यक्षमा हिरा श्रेष्ठ र सचिवमा तिलक मगर चयन भएका छन् भने सुनापती गाउँ कमिटीको अध्यक्षमा ठूलोकान्छा तामाङ र सचिवमा रामकृष्ण घिसिङ चयन भएका छन् । उमाकुण्ड गाउँकमिटीको अध्यक्षमा अनन्त कुमार खड्का र सचिवमा अमृत तामाङ चयन भएका छन् । त्यस्तै गोकुलगंगा गाउँ कमिटीको अध्यक्षमा विशाल तामाङ र सचिवमा यम बहादुर कार्की चयन भएका छन् ।
अधिवेशन भएका दुई पालिकामा एक अध्यक्ष, तीन उपाध्यक्ष, एक सचिव, एक सहसचिव, एक कोषाध्यक्ष सहित ६२ जनाको नगर कमिटी नगर कमिटी बनेको छ । त्यस्तै ४ गाउँपालिकामा पनि एक अध्यक्ष, तीन उपाध्यक्ष, एक सचिव, एक सहसचिव, एक कोषाध्यक्ष सहित ५५ जनाको गाउँ कमिटीमा बनेको छ ।
खाँडादेवी गाउँपालिकामा सोमबार र लिखुतामाकोशी गाउँपालिकामा शनिबार अधिवेशन हुने गरि मिति तय भएको नेकपा माओवादी केन्द्रले बताएको छ । ८ पालिकाका ६४ वडामा यस अघि नै नेतृत्व चयत भइसकेको छ ।
