रामेछाप– जुनारमा लाग्ने औँसा किरा नियान्त्रणको लागि प्रधानमन्त्री कृषि आधुनिकीकरण परियोजना, परियोजना कार्यान्वयन एकाई रामेछापले जुनार किसानलाई प्रोटिन वेट नामक विषादी वितरण गरेको छ । परियोजनाले जुनार जोन संचालन गरेको रामेछाप र मन्थली नगरपालिकाका जुनार किसानलाई वितरण गर्ने गरी जुनार जोनमा सूचीकृत भएका २७ ओटा संस्थालाई ५ सय ५५ लिटर प्रोटिन वेट नामक विषादी वितरण गरेको हो ।
परियोजनाले पचास प्रतिशत अनुदानमा जुनार जोन क्षेत्रमा बगैँचा व्यवस्थापन तथा क्षेत्रगत किरा नियन्त्रण कार्यक्रम अन्तर्गत जुनार जोनमा सुचिकृत १३ वटा कृषक समूह, १० वटा कृषि सहकारी र ४ वटा निजी फर्म गरी २७ ओटा संस्थाहरु मार्फत किसानलाई उक्त विषादी वितरण गरिएको प्रधानमन्त्री कृषि आधुनिकीकरण परियोजना, परियोजना कार्यान्वयन एकाई रामेछापका प्रमुख होमनाथ लम्सालले बताए ।
जुनार किसानलाई विषादी वितरणसँगै आगामी वर्षको कार्यक्रम समेत तय गरिएको जुनार जोनका सचिव गुञ्ज बहादुर कार्कीले बताए ।
जुनार जोनका अध्यक्ष युवराज पाख्रीनको अध्यक्षतामा भएको कार्यक्रममा परियोजना कार्यान्वयन इकाईका प्रमुख होमनाथ लम्साल, रामेछाप नगरपालिका वडा नं ८ का वडाध्यक्ष केदार कार्की लगायतको सहभागिता रहेको थियो ।
