रामेछाप– कोरोनाको कारण घरमा बसेका नागरिकलाई भेट्न रामेछाप नगरपालिका वडा नं ८ का वडाध्यक्ष सामाजिक सुरक्षा भत्ता लिएर घरमै पुगेका छन् । दशैँ नजिकिएसँगै वडाध्यक्ष केदार कार्की र वडा सदस्यहरु सहितको टोली आफ्ना नागरिकलाई भेट्ने र सामाजिक सुरक्षा भत्ता पनि वितरण गर्न घरमै पुगका हुन् ।
दशैँलाई लक्षित गरेर जेष्ठ नागरिक, एकल महिला, अपाङ्गता भएका व्यक्ति, दलित बालबालिका र लोपन्मुख हायु जातिहरुको घरघरमै पुगेर सामाजिक सुरक्षा भत्ता वितरण गरिएको वडाध्यक्ष केदारी कार्कीले बताउनुभयो । उहाँले भन्नभयो– ‘आफ्नो वडा भित्रै केही व्यक्तिहरुमा कोरोना संक्रमण पुष्टि भएपछि वडा कार्यालयमा भिडभाड हुन सक्छ भनेर भत्ता बोकेर हामी गाउँमै गएका हौँ । कोरोनाको कारण त्रासमा रहेका लक्षित वर्गका नागरिकलाई दशैमा आर्थिक अभाव भोग्नु नपोरस भनेर पनि हामीले उहाँहरुलाई दशैँ अघि नै भत्ता उपलब्ध गराएका हौँ ।’
रामेछाप नगरपालिका वडा नम्बर ८ मा ७ सय ५ जना सामाजिक सुरक्षा भत्ता पाउने सुचीमा रहेको र उनिहरु सबैलाई विहिबार र शुक्रबार गरी दुई दिन लगाएर सबैलाई भत्ता उपलब्ध गराईएको वडाध्य कार्की बताउनुभयो । वडाले यस अघि पनि लक्षित वर्गको घरमै पुगेर सामाजिक सुरक्षा भत्ता उपलब्ध गराउँदै आएको छ ।
