रामेछाप– नेपाल तरुणदल रामेछापको जिल्ला कार्यसमिति विस्तार भएको छ । मंगलबार बसेको जिल्ला कार्यसमितिको बैठकले नयाँ सदस्य मनोनित गर्दै कार्यसमिति विस्तार गरेको हो ।
नेपाल तरुणदल रामेछापका अध्यक्ष काजी बहादुर खड्का ‘दिनेश’ को अध्यक्षतामा बसेको बैठकले पाँच जना जिल्ला कार्यसमिति सदस्य र पाँच जना आमन्त्रित जिल्ला कार्यसमिति सदस्य गरी दश जना मनोनित गरिएको तरुणदल रामेछापका सहसचिब जीवन कार्कीले बताउनुभयो ।
मनोनित हुने जिल्ला कार्यसमितिमा सुनापति–५ का प्रभुनारायण खड्का, खाँडादेवी–४ का जगत कार्की, मन्थली–१२ का सुशिल बुढाथोकी, गोकुलगंगा–४ का देवशंकर सुनुवार र दोरम्बा–४ का अञ्जु रजान रहेका छन् । त्यस्तै आमन्त्रित जिल्ला कार्यसमिति सदस्यमा खाँडादेवी–३ का सरोज बहादुर कार्की, चेत बहादुर कार्की ‘दिनेश’, मन्थली–१ का सुजन रोका, सुरेश भुजेल र मन्थली–३ का प्रकाश भट्टराई रहेका छन् ।
कार्यसमिति विस्तार भएसँगै नेपाल तरुणदल थप सशक्त भएको र आगामी दिनमा मनोनित सहितको पूर्ण कार्यसमितिले समुदय केन्द्रित युवा लक्षित काम गर्न सहज हुने नेपाल तरुण दल रामेछाका अध्यक्ष काजी बहादुर खड्का ‘दिनेशले’ बताउनुभयो । तरुणहरुलाई एक ठिक्का बनाउँदै पार्टीको संगठन विस्तार लगायतका काममा समेत सशक्त बनाउने गरी नेपाल तरुणदल अगाढी बढ्ने योजनामा रहेको समेत अध्यक्ष खड्काले बताउनुभयो ।
बैठकले भदौ २४ गते विपी जयान्तीको दिन मन्थली बजार सरसफाई र रक्तदान कार्यक्रमको आयोजना गर्ने निर्णय गरेको सहसचिब कार्कीले जानकारी दिनुभयो ।
त्यस्तै गोकुलगंगा गाउँपालिका वडा नं २ का संजय श्रेष्ठ नेकपा पार्टी परित्याग गरी नेपाली काँग्रेसमा प्रवेश गर्नुभएको छ ।
