मन्थली- रामेछापमा जिल्लामा रहेर विगत ८ वर्ष देखि पत्रकारितामा सक्रिय युवा पत्रकार रामचन्द्र विक सम्मानित हुनुभएको छ । अम्बर आदर्श बचत तथा ऋण सहकारी संस्थाले पत्रकार विकलाई सहकारीको १८ औं वार्षिक साधारणसभाको अवसर पारेर नगद दुई हजार पुरस्कार सहित प्रशंसा–पत्र प्रदान गरेर सम्मान गरेको हो । सम्मानित हुनुहुने विक विगत ८ वर्ष देखि पत्रकारितामै सक्रिया हुनुहुन्छ ।
सहकारी संस्थाको समाचार प्रसारण एवं प्रकाशनमा महत्वपूर्ण योगदान पु¥याए बापत विकलाई सम्मान गरिएको सहकारीले बताएको छ । सम्मानित युवा पत्रकार विक नेपाल अभियान डट कमका संचालक हुनुहुन्छ भने नेपाल समाचारपत्र राष्ट्रिय दैनिक र प्राइम टाइम्स टेलिभिजनका जिल्ला संवाददाताको रुपमा काम गर्दै आउनुभएको छ ।
सहकारीका अध्यक्ष कृष्ण बहादुर थापाको अध्यक्षता तथा रामेछाप नगरपालिकाका नगर प्रमुख नर बहादुर थापामगरको प्रमुख आतिथ्यतामा भएको १८ औं साधारणसभामा सहकारीकमा कार्यरत उत्कृष्ट कर्मचारीको रुपमा सपना काफ्ले पौडेल पनि सम्मानित हुनुभएको छ । उहाँलाई पनि दुई हजार नगद सहित प्रशंसा–पत्रलले सम्मान गरिएको हो ।सहकारीले एक उतकृष्ट कर्मचारी र सहकारी संस्थाको क्रियाकलापको बारेमा धेरै भन्दा धेरै समाचार प्रकाशन तथा प्रसारण गर्ने एक जना पत्रकारलाई सम्मान गर्ने निर्णय भने यस बर्ष देखि सुरु गरेको संस्थाका कोषाध्यक्ष रमेश ढुङ्गेलले बताउनुभयो ।
