रामेछाप– राष्ट्रिय प्रजातन्त्र पार्टी रामेछापको अध्यक्षमा पुनः भरतसिं वाइबा निर्वाचित भएका छन् । रामेछापको सदरमुकाम मन्थलीमा मंगलबार सम्पन्न राप्रपा रामेछापको जिल्ला अधिवेशनबाट अध्यक्षमा वाइबा निर्वाचित भएका हुन् । जिल्ला अधिवेशनको उद्घाटन राप्रपाका केन्द्रीय नेता एंव पूर्व मन्त्री आङछिरिङ लामाले गरेका थिए ।
वाइबाको अध्यक्षतामा २१ सदस्यीय जिल्ला कार्यसमिति निर्वाचित भएको राप्रपा रामेछापका नेता शिवजी घिमिरेले जानकारी दिए । राजेन्द्र लिङ्देनले नेतृत्व गरेको राष्ट्रिय प्रजातन्त्र पार्टी र कमल थापाले नेतृत्व गरेको राप्रपा नेपालबिच पार्टी एकता भएपनि जिल्ला तथा स्थानीय तहमा एकताको अभियान चलेको थियो । सोही अनुसार रामेछाप जिल्लामा पनि पार्टी एकतासँगै नयाँ समिति चयन भएको बताइएको छ । दुई पार्टीबिचको एकतापछि दुबै तर्फका नेताहरूलाई समेट्नु पर्नु भएकाले जिल्ला कार्यसमितिले पूर्णता पाउन केही समय लाग्ने नेता घिमिरेले बताए ।
दुई पार्टीबिचको एकता पछि अध्यक्षतामा निर्वाचित भएका भरतसिं वाइबाले आफ्नो भनाइ राख्दै आगामी निर्वाचनमा राप्रपालाई जिताउन जिल्ला व्यापी कार्यक्रमहरू गरिने बताए । उनले राप्रपाको एजेन्डाहरूलाई जनस्तर सम्म पु¥याउन खट्ने भनाइ राखेका थिए । युवाहरूलाई अगाडि बढाउन सहयोग गर्ने उनले प्रतिबद्धता व्यक्त गरे ।
यस अघि राप्रपाले जिल्लाका सबै स्थानीय तहमा पार्टी एकतासँगै अधिवेशन सम्पन्न गरिसकेको छ ।
