काठमाण्डौँ- बालबालिकाको क्षेत्रमा काम गर्दै आएको संस्था किवानिज क्लब अफ समर्पण नेपालले सिन्धुपाल्चोकको त्रिपुरासुन्दरी गाउँपालिका वडा नं. २ चोकटीमा रहेको नन्दलादेवी आधारभूत विद्यालयमा अध्ययनरत बालबालिकालाई न्यानो कपडा (ट्र्याकसुट, टोपी तथा खाजा) वितरण गरेको छ । विद्यालयमा आयोजित एक कार्यक्रममा बालबालिकाको पोषण, स्वास्थ्य र शिक्षामा सहयोग पुर्याउने उद्देश्यले सामग्री वितरण गरिएको हो । किवानिज डिभिजन ३ नर्थअन्तर्गत रिजोनको सहयोग रहेको किवानिज डिभिजन ३ नर्थकी रिजोनको को–अर्डिनेटर प्रमिला लामिछानेले बताइन् ।
कार्यक्रममा किवानिज क्लब अफ समर्पण नेपालकी संस्थापक अध्यक्ष चन्दा खतिवडा, रिजोन को–अर्डिनेटर प्रमिला लामिछाने तथा बोर्ड सदस्य शान्ति गुरुङलगायतको सहभागिता रहेको थियो । कार्यक्रमका सहभागीहरूले यस्ता सामाजिक तथा मानवीय कार्यले ग्रामीण क्षेत्रका बालबालिकाको मनोबल बढाउने र शिक्षामा निरन्तरता दिन सहयोग पुग्ने विश्वास व्यक्त गरेका थिए । किवानिज क्लब अफ समर्पण नेपालले आगामी दिनमा पनि बालबालिकाको हितमा यस्ता कार्यक्रमलाई निरन्तरता दिने जनाएको छ ।
