रामेछाप- रामेछाप जेसिज वर्ष २०२६ को अध्यक्षमा कुमार श्रेष्ठ निर्वाचित भएका छन् । शनिबार सम्पन्न ११ औँ अधिवेशनबाट अध्यक्षमा कुमार श्रेष्ठ सहित नयाँ कार्यसमिति चयन भएको हो । समितिको कार्यकारिणी उपाध्यक्षमा ईश्वर अधिकारी र बिपिन दाहाल निर्वाचित भएका छन् । त्यस्तै कानुनी सल्लाहकारमा सुमन खड्का, महासचिवमा भरत श्रेष्ठ, कोषाध्यक्षमा अनिश केसी, सहसचिवमा अमन बुढाथोकी र सह–कोषाध्यक्षमा राजन कुमार कार्की चयन भएका छन् । उपाध्यक्षतर्फ देव कैलाश श्रेष्ठ, सिताराम लोहार, बेनुप रोक्का र रमेश बस्नेत निर्वाचित भएका छन् । तालिम आयुक्तको जिम्मेवारी एकेन्द्र केसीले पाएका छन् ।
अध्यक्ष श्रेष्ठले निर्वाचित भए पश्चात आफ्नो भनाइ राख्दै नयाँ नेतृत्वले संगठनभित्रको समन्वय, पारदर्शिता र क्रियाशीलतालाई अझ मजबुत बनाउँदै जेसिजका कार्यक्रमलाई प्रभावकारी रूपमा सञ्चालन गर्ने प्रतिवद्धता व्यक्त गरेका छन् । निर्वाचित नयाँ समिति सर्वसम्मत रुपमा चयन भएको थियो । यस अघि वर्ष २०२५ को अध्यक्षमा यादव केसी रहेका थिए ।
