रामेछाप- नेकपा एमाले निकट नेपाल उद्योग तथा व्यवसायी महासंघ रामेछापको अध्यक्षमा सुरेश उदाश निर्वाचित भएका छन् । शुक्रवार सदरमुकाम मन्थलीमा सम्पन्न दोस्रो जिल्ला अधिवेशनबाट उदाश अध्यक्षमा निर्वाचित भएका हुन् । उदासको नेतृत्वमा १९ सदस्यीय नयाँ कार्यसमिति समेत नयाँ चयन भएको छ ।
नवगठित कार्यसमितिको उपाध्यक्षमा रुद्रकुमार श्रेष्ठ, महिला उपाध्यक्षमा निरा तामाङ, सचिवमा जयराम मानन्धर, उपसचिवमा विष्णु कडरिया र लक्ष्मी ढुंगेल, कोषाध्यक्षमा सरोज लामा तथा सह–कोषाध्यक्षमा मोहन कार्की चयन भएका छन् । त्यस्तै सदस्यहरूमा देवचन्द्र कठायत, पुरुषोत्तम बस्नेत, पर्वत विक, सुवास फुयाँल, शम्भु विक, कृष्ण लगुन्, देवी बुढाथोकी, अश्विन बोहरा, अर्जनु खत्री, माधव आरण र चेतमान तोलाङ्गे चयन भएका छन् । नयाँ कमिटीका अध्यक्ष, पदाधिकारी र सदस्यहरु सबै सर्वसम्मत निर्वाचित भएका हुन् ।
वाग्मती प्रदेशसभा उद्योग, पर्यटन तथा वातावरण समितिका सभापति आनन्दकुमार श्रेष्ठको प्रमुख आतिथ्यतामा तथा महासंघका तत्कालीन अध्यक्ष पवन कठायतको अध्यक्षतामा अधिवेशन सम्पन्न भएको थियो ।
