रामेछाप- रामेछाप कारागारले जेनजी आन्दोलनका क्रममा देशका विभिन्न ठाउँमा रहेका कारागारबाट निस्केका कैदीबन्दीहरुलाई सम्पर्कमा आउन अनुरोध गरेको छ । कारागार कार्यालय रामेछापले एक सूचना जारी गर्दै गएको भदौ २३ र २४ गते भएको जेनजी आन्दोलनको बेला कारागारबाट बाहिर निस्केर हाल सम्म पनि आफू रहेको कारागारमा सम्पर्कमा नआएका कैदीबन्दीहरुलाई आफू बसेको कारागार वा नजिकको प्रहरी कार्यालयमा सम्पर्कमा आउन अनुरोध गरेको हो ।
विभिन्न कसुरमा कैद भुक्तान गरिरहेका र हाल कारागारबाट निस्केका र सम्पर्कमा नआएका कैदीबन्दीहरुलाई २०८२ असोज २० गते सम्म सम्पर्कमा आउन आग्रह गरिएको र तोकिएको समय अर्थात् असोज २० गते सम्ममा सम्पर्कमा नआएमा कारागार ऐन, २०७९ र प्रचलित कानुन अनुसार कारबाही हुने समेत सूचनामा उल्लेख गरिएको छ । सूचनामा कैदी बन्दी लुकाउने, छिपाउने वा आश्रय दिने व्यक्तिलाई समेत कसुरदार ठानी कानुन अनुसार कारबाही हुने हुँदा त्यस्ता व्यक्तिहरूलाई तुरुन्त कारागार वा नजिकको प्रहरी कार्यालयमा पठाउन पनि भनिएको छ ।
विभिन्न कारागारबाट निस्केर हाल रामेछाप लगायत आसपासका जिल्लामा बसेका कैदीबन्दीहरु असोज २० गते भित्र कारागार वा प्रहरी कार्यालयमा सम्पर्कमा आएमा रामेछाप कारागारमै राखिने व्यवस्था समेत मिलाइने कारागार कार्यालय रामेछापका प्रमुख रुपक मण्डलले बताए । कारागारबाट निस्केका कैदीबन्दीहरुलाई कारागार सम्म ल्याउनको लागि कैदी बन्दीका परिवार, छिमेकी, समुदाय, नागरिक समाज, पत्रकार, व्यवसायी लगायतको समेत महत्त्वपूर्ण भूमिका हुने हुँदा सबैलाई सहयोग गरिदिन वा सूचना दिन आग्रह गरिएको प्रमुख मण्डलले बताए । यसरी सूचना दिने व्यक्तिको पहिचान गोप्य राखिने पनि प्रमुख मण्डलले बताए ।
१) ९८४१५६०९९० (प्रशासकीय अधिकृत श्री चुडामणि अर्याल, जिल्ला प्रशासन कार्यालय, रामेछाप
२) ९८५१२९०२३० (प्रहरी निरिक्षक श्री कौशल न्यौपाने, जिल्ला प्रहरी कार्यालय, रामेछाप
३) ९८४३५६२२९२ (सशस्त्र प्रहरी निरिक्षक श्री विकास उप्रेती, सशस्त्र प्रहरी बल नेपाल आश्रित गुल्म, रामेछाप
४) अनुसन्धान सहायक श्री गृष्म भण्डारी, राष्ट्रिय अनुसन्धान जिल्ला कार्यालय, रामेछाप
५) ९८४३३७९७२० (सहायक जिल्ला सरकारी वकिल श्री विनिता कपाली, जिल्ला सरकारी वकिल कार्यालय, रामेछाप
६) ९७६५२१८४७२ (कारागार प्रशासक श्री रुपक मण्डल, कारागार कार्यालय, रामेछाप
७) इमेल id: djoramechhap@gmail.com, dporamechhap_crime@nepalpolice.gov.np, daoramechhap@gmail.com
