रामेछाप- गैरआवासीय नेपाली संघ (एनआरएनए) क्यालिफोर्निया च्याप्टरको बोर्ड सदस्यमा रामेछापका ई कुमार श्रेष्ठ निर्वाचित भएका छन् । लामो समय देखि क्यालिफोर्निया बस्दै आएका श्रेष्ठ अध्यक्षमा निर्वाचित कुल प्रसाद ढकाल ‘केपी’ समूहबाट बोर्ड सदस्यमा निर्वाचित भएका हुन् । बुधवार राति निर्वाचन आयोगले प्रकाशित गरेको अनितिम उम्मेदवार सुचिमा एनआरएनए क्यालिफोर्निया च्याप्टरको बोर्ड सदस्य पदमा उम्मेद्वारी दिएका श्रेष्ठ सर्वसम्मत चयन भएका हुन् ।
निर्वाचित कार्यसमितिमा उपाध्यक्षहरू वरिष्ट समाजसेवी तिलक बहादुर राना मगर, महिला उपाध्यक्षमा चन्द्र माया गुरुङ, सचिवमा कैलाश केसी, कोषाध्यक्षमा केशर कुसरी, महिला संयोजकमा, भगवती बन, युवा संयोजकमा पवन शर्मा र बोर्ड सदस्यहरुमा क्रमश ई कुमार श्रेष्ठ सहित बिनिल प्रसाद धिताल, हरिचन्द्र सापकोटा, हेमन्त आचार्य, खड्ग बहादुर बटाला र टेक खड्का निर्वाचित भएका छन् ।
नवनिर्वाचित अध्यक्ष ढकालले सर्वसम्मत आफ्नो टिम निर्वाचित भएपछी प्रतिक्रिया दिदै भनेका छन्, ‘निरन्तर समुदायको हितमा काम गरेको परिणाम आफुले सर्वसम्मत नेतृत्व पाएको छु । यो एकताको भावनालाई निरन्तर कायम राख्दै नेपाली अमेरिकनको हितमा सामाजिकीकरणको मुद्धामा केहि उदाहरणीय काम गरेर देखाउनेछु ।’
