रामेछाप- रामेछापका माेबाइल तथा ईलेक्ट्राेनिक व्यवसायीहरूले नयाँ वर्ष २०८२ साल लाई स्वागत गर्दै वनभाेज कार्यक्रमकाे आयाेजना गरेका छन । चैत ३०गते शनिबार रामेछाप नगरपालिका वडा नम्बर ८ बिटार पार्कमा वनभाेजकाे आयाेजना गरिएको हाे । रामेछाप ईलेक्ट्राेनिक तथा माेबाइल व्यवसाय संघले शुभकामना आदानप्रदान सहित आयाेजना गरेको छ । वनभाेज कार्यक्रममा जिल्लाका माेबाइल र इलेक्ट्रोनिक व्यवसायमा गर्ने व्यवसायीहरूकाे सहभागीता रहेको थियाे ।
रामेछाप ईलेक्ट्राेनिक तथा माेबाइल व्यवसाय संघका अध्यक्ष ईश्वर चन्द्र श्रेष्ठकाे अध्यक्षतामा भएकाे कार्यक्रमकाे रामेछाप उद्योग वाणिज्य संघका अध्यक्ष नवीन कुमार थापामगर प्रमुख अतिथि रहेका थिए । कार्यक्रममा बाेल्दै अध्यक्ष थापामगरले नयाँ वर्ष २०८२ लगानी मैत्री र आर्थिक उपलब्धि वर्षकाे रूपमा रहने विश्वास व्यक्त गरे । उनले उद्योग वाणिज्य संघ व्यवसायीहरूकाे हकहितको लागि सधै प्रतिबद्ध रहेको पनि वताए । सदरमुकाम मन्थली र आसपासका २५ वटा माेबाइल घडी, रेडियो र ईलेक्ट्राेनिक व्यवसायका संचालकहरू संघमा आवद्ध रहेको रामेछाप ईलेक्ट्राेनिक संघका महासचिव प्रमाेद कुमार श्रेष्ठले जानकारी दिए । आगामी दिनमा जिल्ला भरका ईलेक्ट्राेनिक व्यसायीलाई संघमा आवद्ध गर्ने याेजना रहेको उनले वताए ।
