रामेछाप– नेपाल विद्यार्थी संघ रामेछापले जिल्ला कार्यसमितिमा एक पदाधिकारी सहित ३ सदस्य थप गरेको छ । नेविसंघ रामेछापका अध्यक्ष विनोद बुढाथोकीले बुधवार जिल्ला कार्य समितिको सचिव पदमा रेजन बुढाथोकी, सदस्यमा क्रमशः अविनाश कार्की, विपुल रोका र छाया तामाङलाई मनोनयन गर्दै कार्य समिति थप गरेका हुन् ।
सचिव पदमा मनोनयन भएका बुढाथोकी यस अघि जिल्ला कार्य समिति सदस्य रहेका थिए । त्यस्तै सदस्यमा मनोनयन भएका अविनाश कार्की मन्थली सहिद स्मृती बहुमुखी क्याम्पसका स्ववियु सभापति हुन भने विपुल रोका मन्थली सहिद स्मृती बहुमुखी क्याम्पस नेविसंघको इकाई सभापति थिए । रोका चैत्र ५ गते सम्पन्न मन्थली सहिद स्मृति बहुमुखी क्याम्पस स्ववियु सभापतिको उम्मेदवार समेत रहेका थिए । अर्की सदस्यमा मनोनयन भएकी छाया तामाङ पनि मन्थली सहिद स्मृति बहुमुखी क्याम्पस स्ववियु कोषाध्यक्षको उम्मेदवार रहेकी थिइन् ।
त्यसै गरी मन्थली सहिद स्मृती बहुमुखी क्याम्पसको इकाई सभापतिमा युवराज बुढाथोकी चयन भएका छन् । इकाई सभापतिमा चयन भएका बुढाथोकी पनि चैत्र ५ गते सम्पन्न स्ववियु निर्वाचनमा नेविसंघको तर्फबाट सचिव पदको उम्मेदवार रहेका थिए ।
