रामेछाप- मन्थली रामेछापको सदरमुकाम मन्थलीमा रहेको लिट्टिल स्टार अंग्रेजी माध्यमिक विद्यालयले विविध कार्यक्रमको आयोजना गरी ६०औँ बाल दिवस मनाएको छ । यस वर्षको बाल दिवसको नारा “बालबालिकामा लगानी सुनिश्चित भविष्यको थालनी” भन्ने राखिएको थियो त्यसै अवसरमा शुक्रवार विद्यालय प्राङ्गणमा एक कार्यक्रमको आयोजना गरिएको हो ।
लिट्टिल स्टार बाल क्लबका अध्यक्ष सुमित फुयालको अध्यक्षतामा भएको कार्यक्रममा विद्यार्थीहरूले वतृत्वकला, गायन, नृत्य तथा विभिन्न सांस्कृतिक भेषभुषा सहितको प्रस्तुति दिएका थिए भने सञ्चार माध्यमा बाल अधिकार भन्ने सन्दर्भमा पत्रकार सँग छलफल गरेका थिए । कार्यक्रममा भाग लिएका विद्यार्थीहरू लाई विद्यालयका प्रधानाध्यापक रमेश फुयालले शैक्षिक सामग्री प्रदान गरेका थिए।त्यस अवसरमा नेपाल पत्रकार महासंघ रामेछापका कोषाध्यक्ष युवराज श्रेष्ठ, विद्यालयका सहायक प्रधानाध्यापक हस्त बहादुर लामा, प्राध्यापक तिर्थराज बराल, बाल क्लवका उपाध्यक्ष विपन बुढाथोकी लगायतले नेपालमा बाल अधिकारको अवस्थाको बारेमा आफ्नो धारणा राखेका थिए । कार्यक्रममा बोल्ने वक्ताहरूले आधारभूत अधिकार बाट कुनै पनि बालबालिका वञ्चित हुन नहुने बताएका थिए । उनीहरूले बालबालिकाको क्षेत्रमा स्थानीय सरकारले थप लगानी गर्नुपर्ने विचार समेत राखेका थिए ।
आफ्नो प्रतिकृया दिनुहोस्