रामेछाप- सामुदायिक विद्यालयका प्रधानाध्यापकहरूको समूह ‘प्रिन्सिपल एशोसियसन अफ नेपाल रामेछाप’ गठन भएको छ । शनिबार सम्पन्न जिल्ला भरिका प्रधानाध्यापकहरूको भेलाले शंकर बहादुर बस्नेतको नेतृत्वमा २५ सदस्यीय ‘प्रिन्सिपल एशोसियसन अफ नेपाल रामेछाप’ गठन गरेको हो । उपाध्यक्षमा मिलन लामा, सचिवमा कमान सिहं तामाङ, सहसचिवमा अमृता कर्ण, कोषाध्यक्षमा छविलाल श्रेष्ठ, सदस्यहरुमा क्रमश: दिपक राज चौलागाई, सन्तोष जंग खड्का, रेजिन्द्र दंगाल, राजेश कर्ण, दुर्गा कुमारी श्रेष्ठ, हिरा बहादुर थापा मगर, रेखा अवस्थी लगायत रहेका छन् ।
भेलाले केन्द्रिय प्रतिनिधिमा भिम बहादुर नेपाली र कमन सिंह लामालाई चयन गरेको छ भने विभिन्न पालिकाको संयोजक समेत तोकेको छ ।
बागमती प्रदेश सभ सदस्य तारानारायाण श्रेष्ठको प्रमुख आतिथ्यतामा कार्यक्रम सम्पन्न भएको हो ।
जिल्ला अध्यक्षमा चयन भएका बस्नेतले जिल्लामा हाल सम्म प्रधानाध्यापकहरुको संगठित समूह नहुँदा प्रधानाध्यापकहरूले विभिन्न समस्याहरु भोग्नु परेको बताउँदै अब त्यस्ता समस्याहरु समाधानमा ‘प्रिन्सिपल एशोसियसन अफ नेपाल रामेछाप’ ले काम गर्ने प्रतिक्रिया दिए ।
उनले राष्ट्रिय तथा अन्तराष्ट्रिय प्रधानाध्यापाकहरुसँगको सहकार्यमा काम गर्ने प्रतिबद्धता अध्यक्ष बस्नेतले बताए ।
आफ्नो प्रतिकृया दिनुहोस्