रामेछाप- नेपाली काँग्रेस रामेछाप प्रदेश सभा (क) क्षेत्रीय कार्यसमितिले विजया दशमी तथा शुभ दीपावलीको अवसर पारेर शुभकामना आदान प्रदान कार्यक्रमको आयोजना गरेको छ । सोमबार बिहान सदरमुकाम मन्थलीमा काँग्रेस नेता तथा कार्यकर्ताहरुको सहभागितामा शुभकामना आदान प्रदान कार्यक्रमको आयोजना गरेको हो ।
नेपाली काँग्रेस प्रदेश सभा (क) क्षेत्रीय कार्यसमितिका सभापति निरोज खड्काको अध्यक्षतामा भएको शुभकामना आदानप्रदान तथा चियापान कार्यक्रममा नेपाली काँग्रेस रामेछापका सभापति एवं प्रतिनिधि सभा सदस्य पुर्णबहादुर तामाङ (कान्छाराम), निवर्तमान पार्टी सभापति एवं रामेछाप नगरपालिकाका नगर प्रमुख लवश्री न्यौपाने, नेपाली काँग्रेस रामेछाप जिल्ला कार्य समितिका उपसभापति लेख बहादुर कार्की, पार्टी सचिव दीपक खड्का, महाधिवेशन प्रतिनिधि रत्न कार्की, जिल्ला समन्वय समिति रामेछापका प्रमुख एवं नेपाली काँग्रेस जिल्ला कार्यसमिति सदस्य चिना कार्की, नेपाली काँग्रेसका पुर्व महाधिवेशन प्रतिनिधि कृष्ण बहादुर महत, लिखुतामाकोशी गाउँपालिकाका अध्यक्ष एवं काँग्रेस नेता केशव महत, नेपाल तरुण दलका केन्द्रीय सदस्य योगेश श्रेष्ठ, नेपाली काँग्रेस रामेछाप जिल्ला कार्यसमितिका सदस्य सुमन्त कुमार कार्की, नेपाल विद्यार्थी संघ रामेछापका अध्यक्ष विनोद बुढाथोकी, नेपाल पत्रकार महासंघ रामेछापका अध्यक्ष बद्री नयाँघरे लगायतले नेपालीहरूको चाड पर्वको बारेमा चर्चा गर्दै शुभकामना दिएका थिए ।
शुभकामना मन्तव्य राख्ने वक्ताहरूले पार्टी भित्रका आन्तरिक विवादहरूलाई मिलाउन सबै नेताहरू एकै ठाउँमा हुनु पर्नेमा जोड दिएका थिए । वक्ताहरूले पछिल्लो समयमा पार्टी र पार्टीका भातृ संगठनहरु पूर्ण रूपमा सक्रिय नभएको धारणा राख्दै पार्टीका सबै सङ्गठनहरूलाई चलायमान गराउनु पर्नेमा जोड दिएका थिए ।
