मन्थलीको कौछिनीमा बोलेरो दुर्घटना हुँदा ४ जनाको मृत्यु, ११ जना घाइते

रामेछाप– रामेछापको मन्थली नगरपालिका वडा नं ७ भटौलीको कौछिनीमा बोलेरो जिप दुर्घटना हुँदा ४ जनाको ज्यान गएको छ भने ११ जना घाइते भएका छन् । विहिबार सदरमुकाम मन्थलीबाट कौछिनी तर्फ जाँदै गरेको बा ११ च ५५३ नम्बरको बोलेरो जिप भटौलीको कौछिनीमा दुर्घटना हुँदा ४ जनाको ज्यान गएको हो भने ११ जना घाइते भएका हुन् ।

दुर्घटनाको खबर पाउन साथ घटना स्थलमा पुगेको प्रहरी टोलीले मृतक र घाइतेको उद्धार गरीरहेको रामेछापका प्रहरी प्रवक्ता राजुप्रसाद ढकालले जानकारी दिए । घाइतेको उद्धार गरेर अस्पताल लैजाने कार्य भइरहेको प्रवक्ता ढकालले बताए । ढकालका अनुसार मृतक र घाइतेको पहिचान भइसकेको छैन् ।