रामेछाप- मन्थली सहिद स्मृति बहुमुखी क्याम्पसको स्ववियु सभापतिमा नेविसंघको उम्मेद्वार अविनाश कार्की विजयी भएका छन् । आइतबार भएको स्ववियु निर्वाचनमा अनेरास्ववियुका उम्मेद्वार पुस्कर भट्टराईलाई ६३ मतान्तरले पराजित गर्दै कार्की विजयी भएका हुन् ।
नेविसंघ, अखिल क्रान्तिकारी र एस निकट अनेरास्ववियुको विद्यार्थीहरुको संयुक्त गठबन्धनबाट सभापति पदका उम्मेद्वार रहेका कार्कीले २ सय ८६ मत ल्याएका छन् । उनका प्रतिस्पर्धी अनेरास्ववियुका उम्मेद्वार पुस्कर भट्टराईले २ सय २३ मत पाएका छन् ।
सचिवमा अनेरास्ववियुका उम्मेद्वार सुशिल थापा विजयी भएका छन् । उनले संयुक्त गठबन्धनका उम्मेद्वार तेज बहादुर श्रेष्ठलाई १६ मतान्तरले पराजित गर्दै विजयी भएका हुन् ।
कोषाध्यक्षमा दुबै प्यानको उम्मेद्वारलाई बराबरी मत आएपछि दुबै जनालाई कोषाध्यक्ष मान्नेगरी दुबै जनालाई निर्वाचित भएको घोषणा गरिएको छ । दुबै उम्मेद्वारको सहमती र निर्वाचनमा भाग लिएका विद्यार्थी संगठनको समेत सहमतीमा दुबै जनालाई कोषाध्यक्ष घोषणा गरिएको निर्वाचन अधिकृत रिता दाहाल सुवेदीले बताइन् । कोषाध्यक्षमा निर्वाचित हुने कविता खरेल र विनिता श्रेष्ठले २५१÷२५१ मत ल्याएका छन् ।
सदस्यमा सबै संयुक्त गठबन्धनका उम्मेद्वार विजयी भएका छन् । विजयी हुने सदस्यमा क्रमशः अनोज भुजेल, मनिषा काफ्ले, युवराज बुढाथोकी, विनोद कुमार माझी र विनिता माझी रहेका छन् ।
समानुपातिक तर्फ संयुक्त गठबन्धनले २ सय ७८ मत पाएको छ भने अनेरास्ववियुले २ सय ३४ मत पाएको छ । समानुपातिक प्रणालीबाट संयुक्त गठबन्धनले पाएको मत अनुसार गठबन्धनबाट ४ जना र अनेरास्ववियुबाट ३ जना सदस्य निर्वाचित हुने निर्वाचन मण्डलले बताएको छ ।
मन्थली क्याम्पस स्ववियु निर्वाचनको अन्तिम मतपरिणाम
सभापति
अविनाश कार्की- २८६ विजयी
पुस्कर भट्टराई- २२३
सचिव
तेज बहादुर श्रेष्ठ- २४४
सुशिल थापा- २६० विजयी
कोषाध्यक्ष
कविता खरेल- २५१ विजयी
विनिता श्रेष्ठ- २५१ विजयी
सदस्य
१ अनोज भुजेल- २६७ विजयी
२ मनिषा काफ्ले- २७६ विजयी
३ युवराज बुढाथोकी- २७७ विजयी
४ बिनोद कुमार माझी- २९७ विजयी
५ विनिता माझी- २८१ विजयी
६ सुदिप कार्की- २३४
७ रविना श्रेष्ठ- २१३
८ अनिल श्रेष्ठ- २२२
९ अनिषा घिमिरे- १९९
१० सोमहरी घिमिरे- २१८
