दुर्गा भुजेल/मन्थली- रामेछापको मन्थली नगरपालिका वडा नं २ कठजोर स्थित टेकनपुरमा रहेका कुशेश्वर महादेव मन्दिरको (जोगिकोकुटी) जीर्णोद्धार गरिएको छ । मन्थली नगरपालिकाको आर्थिक सहयोग तथा मन्थली नगरपालिका वडा नं २ को समन्वयमा मन्दिरको जीर्णोद्धार गरिएको हो । विभिन्न कारणले जीर्ण भएको मन्दिरको जीर्णोद्धारपछि शिवरात्रीको अवसर पारेर शनिबार उद्घाटन गरिएको छ ।
मन्थली नगरपालिका वडा नं २ का वडाध्यक्ष सुरेन्द्र कार्की र स्थानीय जेष्ठ नागरिक गुण बहादुर थापाले संयुक्त रुपमा मन्दिरको उद्घाटन गरेका हुन् ।
मन्दिर जीर्णोद्धार समितिका अध्यक्ष प्रदिप कार्कीले जीर्णोद्धारको जिम्मा लिएपछि समयमा नै कार्य सकेका थिए । मन्दिर उद्घाटन पश्चात शनिबार शिवरात्रीको दिन उक्त मन्दिरमा दर्जनौ स्थानीयहरुले पुजा गरेर शिवरात्री मनाइएको स्थानी एवं नेविसंघ नेता उत्तम कार्कीले बताए ।
आफ्नो प्रतिकृया दिनुहोस्