रामेछाप- रामेछाप जेसिज वर्ष २०२३ को अध्यक्षमा रामकुमार बस्नेत निर्वाचित भएका छन् । रामेछापको सदरमुकाम मन्थलीमा शनिबार सम्पन्न रामेछाप जेसिजको आठौँ जिल्ला अधिवेशनबाट अध्यक्षमा बस्नेत निर्विरोध निर्वाचित भएका हुन् ।
त्यस्तै अधिवेशनबाट कार्यकारिणी उपाध्यक्षमा यादव केसी र विमल पौडेल निर्वाचित भएका छन् भने उपाध्यक्षमा भरत श्रेष्ठ, जोनी खड्का, सुमन खड्का र राजन कार्की निर्वाचित भएका छन् ।
अध्यक्ष, कार्यकारिणी उपाध्यक्ष र उपाध्यक्ष सबै निर्विरोध निर्वाचित भएको रामेछाप जेसिजका संस्थापक अध्यक्ष समेत रहेका निर्वाचन अधिकृत जनक लामाले जानकारी दिए ।
नवनिर्वाचित अध्यक्ष बस्नेतले महासचिव, कोषाध्यक्ष र सहकोषाध्यक्ष पनि मनोनित गरेका छन् । बस्नेतले आफू अध्यक्षमा निर्वाचित भएपछि महासचिवमा कुमार श्रेष्ठ, कोषाध्यक्षमा संगिता श्रेष्ठ र सह–कोषाध्यक्षमा नारायण थापालाई मनोनित गरेका हुन् ।
