रामेछाप- नेपाल बिद्यार्थी संघ रामेछापको जिल्ला अध्यक्षमा बिनोद बुढाथोकी चयन भएका छन् । नेबिसंघ रामेछापका जिल्ला सचिब समेत रहेका बुढाथोकीलाई तिन महिना भित्र जिल्ला अधिबेशन सम्पन्न गर्ने गरी अध्यक्षको जिम्मेवारी तोकिएको छ ।
नेबिसंघका केन्द्रीय अध्यक्ष दुजाङ्ग शेर्पाले जिल्ला बुढाथोकीलाई २०७९ साल असोज १७ गते अध्यक्षको जिम्मेवारी दिदैँ तीन महिना भित्र जिल्ला अधिबेशन सम्पन्न गर्न समेत भनिएको छ भने ११ बर्ष देखी जिल्ला अधिबेशन हुन नसकेको र बिधानमा ३२ वर्षको उमेर हदबन्दी कायम गर्न पर्ने भएकोले केन्द्रीय समितीले नयाँ नेतृत्व चयन गरेको पत्रमा उल्लेख छ ।
जिल्ला अध्यक्षको जिम्मेवारी पाए लगतै बुढाथोकीले पार्टी कार्यलयमा बिहिबार पत्रकार सम्मेलन गरी तीन महिना भित्र जिल्ला अधिबेशन सम्पन्न गर्ने बताए । बुढाथोकीले जिम्मेवारी पाएको दिनदेखि नै संगठन बलियो बनाउने र अधिबेशन केन्द्रित भएर काम गर्ने प्रतिबद्दता जनाए । बुढाथोकीले संघको विधि विधान र संघलाई थप गतिशिल बनाउने र तीन महिना भित्र जिल्ला अधिबेशन सम्पन्न गर्ने बताए । अब हुने अधिबेशनमा आफ्नो उम्मेद्वारी र दाबी नरहने समेत बुढाथोकीले बताए ।
२०६४ सालमा नबर्दशन मा वि तिल्पङ्गबाट नेपाल बिद्यार्थी संघको सदस्य लिएका बुढाथोकीले सोहि बिद्यालयको इकाई सभापति हुँदै जिल्ला सचिव भएर काम गरिसकेका छन् ।
यस अघि रामेछाप नेविसंघको अध्यक्षमा सुशिल बुढाथोकी रहेका थिए ।
