रामेछाप– रामेछाप नगरपालिका वडा नं ८ ले ‘एक घर–एक स्वास्थ्य बीमा’ कार्यक्रमको सुरुवात गरेको छ । वडाका सबै नागरिकलाई गुणस्तरीय स्वास्थ्य सेवाको पहुँचमा ल्याउने उद्देश्यले वडाले नै वडाका सबै नागरिकको स्वास्थ्य बीमा गरिदिने गरी सोमबार ‘एक घर–एक स्वास्थ्य बीमा’ कार्यक्रम सुरुवात गरेको हो । ८ औँ संविधान दिवसको अवसरमा आयोजित एक कार्यक्रममा नगर प्रमुख लवश्री न्यौपाने र उपप्रमुख बाल कुमारी कार्कीले रामेछाप–८ को सल्लेका स्थानीयलाई बीमा परिचय पत्र दिएर उक्त कार्यक्रमको सुरुवात गरेका हुन् ।
पहिलो पटक वडा कार्यालयले वडाका सबै नागरिकको स्वास्थ्य बीमा गरिदिने र अर्को बर्ष देखि वडावासी आफैले नविकरण गर्नको लागि आवश्यक पर्ने रकम समेत बचत गर्न सक्ने गरी खुत्रुर्के पनि उपहार दिइएको छ । ८ वर्ष अघिबाट स्वास्थ्य बीमा कार्यक्रम सुरु भएको भएपनि आझै वडाका अधिकासं नागरिकहरुले रकम अभाव र जनचेतना कमीका कारण स्वास्थ्य बीमा नगराउँदा स्वास्थ्य सेवाबाट समेत बञ्चित हुनु परेकाले वडाले नै सबै नागरिकको पहिलो पटक बीमा गरिदिने अभियान चलाइएको वडा नं ८ का वडाध्यक्ष सन्तोष तामाङले बताए । वडाका ९ सय ३४ घरपरिवारलाई नै स्वास्थ्य बीमामा आवद्ध गराउने गरी चालु आर्थिक वर्षको लागि ७ लाख रकम विनियोजन गरिएको र त्यही रकमबाट कार्यक्रमको सुरुवात गरिएको वडाध्यक्ष तामाङले बताए । वडाले सबै नागरिकको स्वास्थ्य बीमा गरिदिएपछि वडाका सबै नागरिकहरु स्वास्थ्य बीमाको पहुँचमा आउने भएकाले वडाध्यक्ष तामाङले वडावासीलाई स्वास्थ्य बीमाबाटै आफ्नो स्वास्थ्य परिक्षाण गराएर उपचार गराउन अनुरोध गरेका छन् । नवीकरणको लागि एक परिवारलाई न्युनतम ३ हजार पाँच सय रकम लाग्ने र एक परिवारले कम्तिमा दैनिक दश रुपैयाँका दरले खुत्रुर्केमा बचत गरे नविकरण गर्न पैसा पुग्ने हुँदा सबैलाई खुत्रुर्केमा दैनिक दश रुपैया बचत गर्न आग्रह गरे ।
त्यस्तै कार्यक्रममा आफ्नो भनाई राख्दै नगर प्रमुख लवश्री न्यौपानेले प्रत्येक नागरिकलाई राज्यबाट आधारभूत स्वास्थ्य सेवा निःशुल्क प्राप्त गर्ने हक भएकाले वडाका कुनै पनि नागरिकले आकास्मिक स्वास्थ्य सेवाबाट बञ्चित हुनु पर्ने अवस्था नआओस भनेर केही वडाबाट सुरु गरिएको कार्यक्रमलाई आगामी वर्षहरुमा नगरले सबै वडामा विस्तार गर्दै लैजाने बताए । नगर प्रमुख न्यौपानेले नगरको विकास र नागरिको हितका लागि आफ्नो कार्यकालमा स्वास्थ्य, शिक्षा, सडक, भौतिक संरचना निर्माण, सामाजिक विकास लगायतका क्षेत्रमा नागरिकका आवश्यकतालाई पहिचन गर्दै काम गर्ने प्रतिवद्धता जनाए ।
कार्यक्रममा बोल्दै उपप्रमुख बाल कुमारी कार्कीले वडाले पैसा तिरेर गरिदिएको स्वास्थ्य बीमाबाट पाँच जनाको एउटा परिवारले जिल्ला देखि काठमाण्डौका विभिन्न अस्पतालहरुमा समेत एक लाख सम्मको स्वास्थ्य उपचार पाउने भएकाले अब बीमा गरेका नागरिकहरुले आफ्नो स्वास्थ्य प्रति संवेदनशिल हुँदै उपचार गराएर स्वस्थ नागरिक बन्ने अभियानमा सबै नागरिक लाग्नु पर्ने धारणा राखिन् । स्वास्थ्य बीमाका धेरै फाइदा भएकाले उपप्रमुख कार्कीले नगरका सबै नागरिकलाई स्वास्थ्य बीमामा आवद्ध भएर आफ्नो स्वास्थ्यको लागि हुने फाइदा लिन समेत अनुरोध गरिन् ।
कार्यक्रममा बोल्दै नेपाली काँग्रेस रामेछापका उपसभापति लेख बहादुर कार्कीले जनताको सबै भन्दा ठूलो सम्पत्ती स्वास्थ्य भएको र रामेछाप नगरका जनप्रतिनिधिहरु अहिले जनताको सबै भन्दा ठूलो सम्पत्तीको संरक्षणमा लागेको बताउँदै वडाले आफ्नो वडावासीको स्वास्थ्य बीमा गरिदिनु धेरै राम्रो काम भएको बताए । उपसभापति कार्कीले ८ वर्ष अघि नेपाली काँग्रेकै तर्फबाट स्वास्थ्य मन्त्री भएका गगन थापाले ल्याएको स्वास्थ्य बीमा कार्यक्रमलाई अहिले काँग्रेसबाटै निर्वाचित जनप्रतिनिधिले वडाका सबै नागरिकको स्वास्थ्य बीमा गरेर सबै नागरिकलाई स्वास्थ्य सेवाको सहज पहुँचमा ल्याउने गरी लागेको हुँदा नागरिकको स्वास्थ्य प्रति नेपाली काँग्रेस अत्यान्तै संवेदनशिल छ भन्ने यहि कामले पुष्टि गर्ने धारणा राखे ।
रामेछाप नगर विकासका धेरै काम सुरुवात भएको भएपनि त्यसलाई पुरा गर्न समय लाग्ने भएकाले नगर विकासका लागि सुरु भएका कामलाई पुरा गर्न नेपाली काँग्रेस सधैँ लाग्ने प्रतिवद्धता जनाउँदै सुरु भएका कामलाई पुरा गर्न नगरवासीले पनि साथ दिनु पर्ने धारणा राखे ।
कार्यक्रममा नेपाल पत्रकार महासंघ रामेछापका अध्यक्ष बद्री नयाँघरेले रामेछाप नगरपालिकाका जनप्रतिनिधिले नगरवासी वाड वडावासीका नागरिकको बीमा वडाले गरिदिने गरी लाग्नु रामेछाप नगरका जनप्रतिनिधिहरु जनताको स्वास्थ्य प्रति अति संवेदनशिल रहेको भन्ने पुष्टि भएको बताए ।
वडाध्यक्ष सन्तोष तामाङको अध्यक्षतामा भएको कार्यक्रममा सल्लेका झण्डै २० घरपरिवरको बीमा गर्दै आगामी वर्षको बीमा गर्ने रकम जम्मा गर्ने खुत्रुर्के पनि वितरण गरिएको छ ।
