लिखुतामाकोशी- रामेछापको लिखुतामाकोशी गाउँपालिकाको अध्यक्षका उम्मेद्वार केशव महतले काँग्रेसको जित निश्चित भएको दावी गरेका छन् । लिखुतामाकोशी गाउँपालिकाको वडा नं. ४ विजुलीकोटमा शनिवार आयोजित आमसभामा आफ्नो भनाई राख्दै काँग्रेसबाट अध्यक्षको उम्मेद्वार रहेका महतले वडाध्यक्ष सहित पालिका अध्यक्ष र उपाध्यक्षमा काँग्रेसको जित निश्चि रहेको दावी गरेका हुन् ।
चुनावी सभालाई सम्बोधन गर्दै महतले भने– ‘यहाँका जनताले परिवर्तन खोजेका छन् । त्यो परिवर्तन काँग्रेस बाहेक अरुले दिन सक्दैन । एमालेले बुहमत सहित चुनाव जित्दा पाँच वर्षको अवधिमा जनतालाई दुःख दिने र राज्य सत्ताको दुरुपयोग गर्ने भन्दा केही पनि गरेन, त्यसैले पनि यहाँका जनताले फरक पार्टीबाट नयाँ नेतृत्व खोजेका छन् । त्यो नेतृत्व काँग्रेस बाहेक अरुमा छैन् । हामी प्रत्येक जनताको घर–घरमा पुगेका छौँ जनताको कुरा सुन्दा अब काँग्रेस बाहेक कसैले पनि लिखुको विकास गर्न सक्दैन भन्ने बुबा–आमाहरु हुनुहुन्छ । त्यसकारण पनि लिखुमा काँग्रेसको जित निश्चित भइसक्यो ।’
एउटा वडामा काँग्रेस र बाँकी सबै वडा, गाउँपालिका अध्यक्ष र उपाध्यक्ष सहित जितेका एमालेहरु जनताको काम भन्दा पनि आन्तरिक झगडामा ब्यस्त हुँदा लिखुमा विकास नभएको बताउँदै उम्मेद्वार महतले आफूले चुनाव जितेपछि द्वन्द्वको दलदलमा फसेको लिखुलाई शुसानयुक्त लिखु बनाउने विश्वास दिलाए ।
अहिले शिक्ष, स्वास्थ्य, रोजगारी, कृषि, भौतिक पुर्वाधार, शुसाशन लगायतको क्षेत्रमा पछि परेको लिखुतामाकोशीलाई आफूले जितेपछि पाँच वर्षमा जनताको आवश्यकतालाई पुरा गर्ने गरी उत्कृष्ट पालिका बनाएर देखाउने धारणा व्यक्त गरे ।
लिखुतामाकोशीले महत जस्तो राजनीतिक र जनताको भावना बुझ्ने नेता खोजेको भएपनि महतले त्यो अवसर नपाएको र यो पटक पाएको अवसरलाई नगुमाउने गरी आफूहरुले मत दिएर विजयी गराउने योजना रहेको लिखुका अधिकासं मतदाताहरुले बताएका छन् ।
लिखुतामाकोशीको ७ ओटै वडामाका आमसभाको कार्यक्रम सम्पन्न गरिसकिएको नेपाली काँग्रेस लिखुतामाकोशी काँग्रेसले बताएको छ ।
बैशाख ३० गते हुने स्थानीय तहको निर्वाचनमा नेपाली काँग्रेसबाट अध्यक्षमा केशव महत र उपाध्यक्षमा सरस्वती गुरुङ खड्का उम्मेद्वार रहेका छन् । त्यस्तै एमालेबाट अध्यक्षमा कमल कुमार कडेरिया र उपाध्यक्षमा दीपा पाख्रिन उम्मेद्वार रहेका छन् । माओवादी र नेकपा एकीकृत समाजवादीको गठबन्धनबाट नवराज पौडेल अध्यक्ष र ध्रुव कुमार कार्की उपाध्यक्षको उम्मेद्वार रहेका छन् ।
आफ्नो प्रतिकृया दिनुहोस्