लिखुतामाकोशी- नेपाली काङ्ग्रेस पार्टीबाट गाउँपालिकाको अध्यक्षका उम्मेद्वार केशव महतले आफ्नो नेतृत्वबाट मात्र लिखु तामाकोशी गाउँपालिकाको समृद्धिको यात्रामा अगाडि बढ्ने र त्यसको प्रतिफल आगामी ५ बर्षको अवधिमा लिखुबासीले लिने बताएका छन ।
पालिकाका ७ वटा वडाहरुका विभिन्न स्थानहरुमा भएका चुनावी सभालाई सम्बोधन गर्दै उम्मेद्वार महतले विगतमा लिखु तामाकोशी गाउँपालिका भित्र जेजस्ता गतिविधिहरु भए त्यसबाट आम नागरिकले भोग्नु परेका पीडामा मलम लगाउँदै समुन्नत र सम्मानित लिखुतामाकोशीवासी बनाउनका लागि आफ्नो उम्मेद्वारी रहेको बताए । उनले आफ्नो जित निश्चित भइसकेकाले आगामी बैशाख ३० गते हुने मतदानबाट बैधानिकता प्राप्त गर्ने बताएका छन ।
नेकपा एमाले, नेकपा माओवादी केन्द्र तथा नेकपा एकिकृत समाजवादीका उम्मेद्वारहरुले पैसाको बलमा लिखुमा चुनाव जित्ने दम्भ देखाएको त्यस्तो दम्भले चुनाव जित्न नसकिने तर्क गर्दै अध्यक्षका उम्मेद्वार महतले आम लिखुतामाकोशी गाउँपालिकावासीहरुले आफु प्रति देखाएको सद्भावले आफ्नो जित सुनिश्चित रहेको गरे ।
शिक्षा, स्वास्थ्य, खानेपानी, कृषिमा यान्त्रिकरण सहितको आधुनिकीकरण, रोजगार, पूर्वाधार विकास, सुशासन, भष्ट्राचाररहित पालिका, लिखुका नागरिकहरुको सम्मानीत जीवनयापन, लगायतका विषयहरुमा आफ्नो नेतृत्वबाट आगामी ५ बर्षमा गर्ने कार्यको प्रतिवद्धता सहित लिखुवासीको घर आगनमा पुग्ने अभियान संचालन भइरहेको महतले बताए ।
पछिल्ला दिनहरुमा राजनीतिक दलहरुबाट उमेद्ववार हुने अधिकांश व्यक्तिहरु राजनीतिक पृष्ठभूमि भन्दा पनि ठेक्का पट्टा गर्ने र क्षणिक स्वार्थका लागि राजनीतिक दल प्रवेश गरेर राज्य सत्ता चलाउन चुनावको बेला मात्रै गाउँ आउने गरेको प्रति दुःख व्यक्त गर्दै महतले लामो समय दखि गाउँ समाज बुझेका र राजनीतिमा रहेका व्यक्तीलाई मतदान गर्न पनि मतदातालाई आग्रह गरेका छन् ।
एक पार्टिले अर्को पार्टी तथा नेता कार्यकर्ताहरुलार्इ तुक्ष ढङ्गबाट गाली र एक अर्काको अस्तित्वलार्इ स्वीकार गर्न नसक्ने परिपार्टीको विकास हुदै गएको नेपालको राजनीतिमा महत जस्ता राजनीतिक व्यक्तिको खाँचो रहेको स्थानीयहरुले बताएका छन् । विगतका दिनहरुमा पनि लिखुमा राजनीतिक दलहरु भित्र फैलिएको आन्तरिक अन्तरविरोधको नराम्ररी शिकार बनेका लिखुवासीहरु फेरि पनि त्यस्तो नहोस भन्ने तर्फ आफूहरु सचेत स्थानीय मतदाताले बताउँन थालेका छन् ।
बैशाख ३० गते हुने स्थानीय तहको निर्वाचनमा नेपाली काँग्रेसबाट लिखुतामाकोशी गाउँपालिकाको अध्यक्षमा केशव महत र उपाध्यक्षमा सरस्वती गुरुङ खड्का उम्मेद्वार रहेका छन् ।
