लिखुतामाकोशी- रामेछापको लिखुतामाकोशी गाउँपालिका वडा नं ६ खिम्तीमा काँग्रेसबाट वडाध्यक्षको उम्मेद्वार बनेका भुवन कुमार कार्कीले आफू वडामा निर्वाचित भएपछि गरिने मुख्य–मुख्य काम सार्वजनिक गरेका छन् । वडाध्यक्ष पदका उम्मेद्वार कार्कीले आफू वडामा निर्वाचित भएमा धेरै सपना देखाउने भन्दा पनि काम गर्ने योजना आफूसँग रहेको बताए । उनले वडाध्यक्षमा निर्वाचिन भएपश्चात गाउँपालिकाको केन्द्र सम्म पक्की सडकको पहुँच पु¥याउने आफ्नो मुख्य योजना रहेको बताए ।
विगतमा निर्वाचित जनप्रतिनिधिले जनताको काम गर्नुको साटो पार्टीको मात्रै बढी काम गरेर जनताको भावना माथि खेलबाड गरेको आरोप लगाउँदै आम जनताको जनप्रतिनिधि बन्ने धारणा व्यक्त गरे । स्थानीय वडाको विकासे योजनाहरु गाउँका युवा, महिला, पिछाडी परेका समुदाय, जेष्ठ नागरिक लगायत सरोकारवालाहरुको सहभागितामा तयार गरिने आफ्नो योजना रहेको बताए ।
गाउँका जेष्ठ नागरिकहरुको स्वास्थ्यलाई ख्याल गरी घर–घरमै स्वास्थ्य परीक्षणको व्यवस्था मिलाउने, धार्मिक तिर्थ यात्रा जादा निःशुल्क यात्राको व्यवस्था मिलाउने, पर्यटकिय स्थलको पहिचान गरी पर्यटकिय विकास गर्ने, रोजगारीको व्यवस्था मिलाउने, कृषिलाई आधुनिकीकरण गरी कृषि क्षेत्रबाट आत्मनिर्भर बनाउने गरी कृषि कार्य गरिने, वडाका नागरिकलाई सूचनाको पहुँचमा जोड्नको सूचनाका विभिन्न माध्यमको विकास गर्ने आदि आफ्ना भावी योजनाहरु रहेको उम्मेद्वार कार्कीले बताए ।
त्यस्तै लिखुतामाकोशी गाउँपालिकाको वडा नं ६ खिम्तीलाई समृद्ध बनाउन नेपाली काँग्रेसको तर्फबाट गाउँपालिकाको अध्यक्ष तथा उपाध्यक्ष उम्मेद्वार सहित सबै वडाको संयुक्त प्रतिवद्धता पत्र समे सार्वजनिक भइसकेको पनि वडाध्यक्षका उम्मेद्वार कार्कीले बताए ।
