रामेछाप- नेपाली काँग्रेस रामेछापले जिल्ला कार्य सम्पादन समिति बनाएको छ । सोमबार बसेको जिल्ला कार्य समितिको बैठकले ३३ सदस्यीय जिल्ला कार्य सम्पादन समिति बनाएको हो । बैठकले पार्टीका पदाधिकरी र सदस्य सहित ३३ सदस्यीय समिति गठन गर्ने निर्णय गरेको पार्टी प्रवक्ता नारायण बहादुर बोगटीले जानकारी दिए ।
समितिमा पदाधिकारीबाट उपसभापति द्वोय लेख बहादुर कार्की र नवराज थोकर, सचिव द्वोय विनोद कार्की र दीपक खड्का, सहसचिव द्वोय ध्रुव प्रसाद चौलगाई र कमल योञ्जन, कोषाध्यक्ष लव बहादुर थापामगर र पार्टी प्रवक्ता नारायण बहादुर बोगटी रहेका छन् ।
त्यस्तै सदस्यहरुबाट क्रमशः निवर्तमान पार्टी सभापति लवश्री न्यौपाने, हस्त बहादुर मोक्तान, ध्रुवराज लामा, धननारायण श्रेष्ठ, चिना खड्का (कार्की), सिताराम कार्की, सुमन्त कुमार कार्की, गुञ्ज बहादुर कार्की, नवराज घिमिरे, हिमाल ढुंगेल, कमान खड्का (दिपेन्द्र), ढाकल बहादुर थापा, कमल प्रकाश सुनुवार, दोजे लामा (केशव), जीत बहादुर कटुवाल, संजिव वि.क., रामविलास महतो, शिव बहादुर बस्नेत, होम बहादुर माझी, यसोधा श्रेष्ठ, सुरेश सुवेदी, सावित्रा के.सी., विमला कार्की र शुसिला बुढाथोकी समितिमा परेका छन् ।
जिल्ला कार्य समितिको सभापति सहित पदाधिकारी कार्य सम्पादन समितिको पदेन सदस्य हुने व्यवस्था विधानमा उल्लेख रहेको छ । बाँकी २५ जना जिल्ला कार्यसमितिको सदस्य मध्येबाट कार्य सम्पादन समितिको सदस्य बन्न पाउने व्यवस्था अनुसार समिति बनाइएको प्रवक्ता बोगटीले जानकारी दिए ।
नेपाली काँग्रेसको विधानको धारा १२ को (८) बमोजम गठन भएको कार्य सम्पादन समितिले कार्यसमितिको एउटा बैठक र अर्को बैठकको अन्तरालमा जिल्ला कार्यसमितिले गर्ने काम कार्यसम्पादन समितिले गर्ने, कार्यसम्पादन समितिले आफूले गरेका निर्णय कार्यसमितिमा अनुमोदनका लागि प्रस्तुत गर्ने, पार्टीको जिल्ला कार्यसमिति अन्तर्गत रहेका निकाय तथा जिल्ला कार्यालय अन्तर्गत रहेका सम्पूर्ण शाखाको क्रियाकलापको समीक्षा गर्न पाउने र समय–समयमा स्थानीय निकायमा पार्टीका तर्फबाट निर्वाचित पदाधिकारीसंग विचार–विमर्श गरी समन्वय कायम गर्न पाउने अधिकार उल्लेख रहेको छ ।
