रामेछाप- नेपाल शिक्षक संघ मन्थली नगरपालिकाको अध्यक्षमा भिम बहादुर नेपाली निर्वाचित भएका छन् । मन्थलीमा बिहिवार सम्पन्न दोस्रो नगर अधिबेशनले भिम बहादुर नेपालीलाई अध्यक्षमा निर्बिरोध निर्वाचित गरेको हो ।
नेपालीको अध्यक्षतामा २६ सदस्यीय नयाँ कार्यसमिति बनेको छ । नयाँ कार्य समितिको खुल्लामा उपाध्यक्षमा शम्भु मण्डल र महिला उपाध्यक्षमा सविना पौडेल चयन भएका छन् । त्यस्तै सचिवमा सुरेन्द्र केसी, अर्थ सचिवमा सानुबाबु पुरी, सहसचिवमा गुञ्जबहादुर श्रेष्ठ र महिला सह सचिवमस जानुका श्रेष्ठ, अर्थमा सहसचिव विनोद सुवेदी र समावेशी सहसचिवमा प्रमिना श्रेष्ठ चयन भएका छन् ।
त्यसैगरी सदस्यहरुमा क्रमशः बद्री अधिकारी, लेखबहादुर खत्री, माला घिसिङ, अनिता पौडेल, नारायण प्रसाद घिमिरे, कृष्ण कार्की, लक्ष्मी तामाङ, हिरा बोहोरा पुरी, सरस्वती गिरी र यमकुमारी मगर रहेका छन् । त्यसैगरी महिला सदस्यहरुमा क्रमशः शान्ता श्रेष्ठ, देवी पोख्रेल अधिकारी र दुर्गा पौडेल रहेका छन् भने खुल्ला सदस्यहरुमा क्रमशः किशोर घिमिरे, पुर्णबहादुर रोक्का, मञ्जु श्रेष्ठ र थममाया मोक्तान रहेका छन् । यस अघि नेपाल शिक्षक संघ मन्थली नगरपालिकाको अध्यक्षमा बुद्धिराज फुयाल थिए ।
