रामेछाप – कोरोना महामारीको बेला रगत अभाव हुन थालेपछि रामेछाप जेसिजले नेपाल रेडक्रस साेसाइटी रामेछापकाे प्राविधिक सहयोगमा रक्तदान कार्यक्रमकाे आयाेजना गरेकाे छ । देशभर रगत अभाव भएर कतिपय मानिसले ज्यान गुमाउनु पर्ने स्थिति सिर्जना हुदै गएकाले उच्च स्वास्थ्य सुरक्षाका साथ मंगलबार रक्तदान कार्यक्रमको आयोजना गरिएको हो ।
देशभर भेरियन्ट सहितकाे काेराेना भाइरस संक्रमण न्युनिकरणका लागि निषेधाज्ञा जारी गरिएकाे छ । कोरोना नियन्त्रणका लागि गरिएको निषेधाज्ञाकाे पालना गर्दै पुर्ण रुपमा काेभिडकाे स्वास्थ्य सुरक्षा मापदण्ड अपनाएर रक्तदान गरिएकाे रामेछाप जेसिजका अध्यक्ष जीवन कार्कीले बताए। त्यसैगरि कोरोना संक्रमणबाट बच्नका लागि अग्रभागमा बसेर काम गर्ने पत्रकार, नेपाल प्रहरी र सशस्त्र प्रहरीलाइ स्वास्थ्य सुरक्षाकाे सामग्री समेत उपलब्ध गराएकाे अध्यक्ष कार्कीले बताएका छन् ।
कार्यक्रममा मन्थली नगरपालिकाका मगर प्रमुख रमेशकुमार बस्नेतले यस्तो महामारीको समयमा पनि रक्तदान कार्यक्रम गरेर मानिसको जीवन जोगाउने अभिनय चलाएर रामेछाप जेसिजले धेरै राम्रो काम गरेको बताए । फरक प्रसङ्गमा उनले बिरामी उपचारमा प्रयोग हुने अक्सिजन तत्काल अभाव नरहेको बताउदै आगामी दिनमा पनि अभाव हुन नदिने प्रतिबद्धता व्यक्त गरे।
जेसिज रामेछापले यसअघि पनि समय समयमा रक्त अभाव हुन नदिनका लागि रक्तदान कार्यक्रम गर्दै आएको छ ।
