रामेछाप– रामेछाप जेसीज वर्ष २०२१ का पदाधिकारीहरुले पदभार ग्रहण गरेका छन् । विहिबार सम्पन्न सातौ पदस्थापन समारोहमा वर्ष २०२१ का लागि निर्वाचित अध्यक्ष जीवन कार्की लगायतका पदाधिकारिले पदभार ग्रहण गरेका हुन् ।
गत पौष ११ गते भएको साधारणसभाबाट निर्वाचित अध्यक्ष जीवन कार्की, कार्यकारी उपाध्यक्ष द्वय सरस्वती राय र प्रज्वल बुढाथोकी, महासचिव सन्तोष खत्री, कानुनी सल्लाहकार रामहरी सापकोटा, उपाध्यक्षहरु धिरज खत्री, संगिता श्रेष्ठ, कुमार श्रेष्ठ, सन्तोष भट्टराई, कोषाध्यक्ष बिमल पौडेल, सहसचिव ज्ञानु श्रेष्ठ र सहकोषाध्यक्ष यादव केसीले एकै पटक पदभार ग्रहण गरेका छन् ।
पूर्व अर्थराज्यमन्त्री उदय समशेर राणाको प्रमुख आतिथ्यता तथा नेपाल जेसीज वर्ष २०२१ का राष्ट्रिय अध्यक्ष सिनेटर अरुणेश्वर खनालको विशिष्ट आतिथ्यतामा सम्पन्न पदभार ग्रहरण कार्यक्रममा मन्थली नगरपालिकाका प्रमुखरमेश कुमार बस्नेत, जेसीज क्षेत्र ‘ग’ का लागि निरुपित राष्ट्रिय उपाध्यक्ष बिमला सुवेदी कार्की, नेपाल जेसिजका पदाधिकारी छिमेकी शाखाका अध्यक्ष तथा पदाधिकारी, नेपाल जेसिजका पूर्व पदाधिकारी, मातृत्व शाखा धुलिखेल जेसिजका शाखा अध्यक्ष दिपेन्द्र अवाल, रामेछापमा रहेका विभिन्न संघ सस्थाका प्रतिनिधि, उद्योगि, व्यबसायी, विभिन्न राजनीतिदलका प्रतिनिधि, पत्रकार, जनप्रतिनिधि लगायतको सहभागिता रहेको थियो ।
पदभार ग्रहरण गर्दै रामेछाप जेसिजका अध्यक्ष जीवन कार्कीले वर्ष २०२१ मा रामेछाप जेसिजको आतिथ्यतामा हुने नेपाल जेसिज क्षेत्र ‘ग’ सम्मेलन उत्कष्ठका साथ सफल बनाउने र बाँकी सामाजिक कार्य गरिने बताए । अध्यक्ष कार्कीले जेसिज रामेछापले गर्ने विभिन्न गतिविधिहरु जेसिजको मर्म र भावना बमोजिम गर्दै जाने विश्वास व्यक्त गरे ।
