रामेछाप– रामेछपाका प्रमुख जिल्ला अधिकारी अर्जुन कुमार शर्माले जिल्लामा निर्माणधिन हाइड्रोपावरबाट पीडित नागरिकले झेलीरहेको समस्या समधानको लागि हाइड्रोकोपावरहरुको प्रलोभनमा नबिक्ने बताएका छन् । मंगलबार जिल्लाका पत्रकारसँगको परिचयात्मक कार्यक्रममा पत्रकारहरुले जिल्लाका विभिन्न ठाउँमा निर्माणाधिन अवस्थामा रहेका हाइड्रोपावारका संचालकहरुले स्थानीय नागरिक र स्थानीय सरकारसँग समन्वय नगरी सिधै सिडियो र माथिल्लो निकायसँग मात्रै समन्वय गरेर स्थानीयले भोगीरहेका समस्याको बेवास्त गर्दै एक पक्षिय ढंगले अगाडि बढीरहेको भन्ने गुनासो राखेपछि प्रजिअ शर्माले आफ्नो कार्यकालमा नागरिकको समस्या समधानको लागि हाइड्रोपावरहरुको प्रलोभनमा नबिक्ने बताएका हुन् ।
जिल्लाको विभिन्न ठाउँमा निर्माणको जिम्मा लिएका तर केही काम गरेर अलपत्र अवस्थामा छोडेका योजनाहरुको बारेमा पत्रकारहरुले कुरा राखेपछि प्रजिअ शर्माले त्यस्ता अलपत्र अवस्थामा रहेका योजनाहरु समयमै सम्पन्न नहुनुको कारण सम्झौत गर्ने निकायसँग माग्ने बताएका छन् । पत्रकारहरुले राखेका समस्याको बारेमा बोल्दै प्रजिअ शर्माले भने– ‘अलपत्र अवस्थामा रहेका कामको बारेमा हेरेर किन अड्केको हो ?, कुन कार्यालयले ठेक्का दिएको हो ?, त्यो कार्यालयसँग जबाफ मागेर काम अगाडी बढाउँछु, म ठेगेदासँग भेट्दिन ।’
प्रमुख जिल्ला अधिकारी अर्जुन कुमार शर्मासँग करिब डेढ घण्टाको समयमा पत्रकारहरुले स्थानीय तह र सरकारी कार्यालयहरुले सूचना नदिने, विकासे बजेटमा अनियमितता बढेको, जिल्लाको विभिन्न ठाउँमा बन्दै गरेका हाइड्रोपावारले नागरिको गुनासो नसुनेको, नदीजन्य वस्तुको अनधिकृत रुपमा दोहन भइरहेको, सीमा बिबाद रहेको, जिल्ला प्रशास कार्यालयबाटै नागरिकले पाउनु पर्ने नियमित सेवा पाउन ढिलासुस्ती भएको लगायतका समस्याहरु भएकाले प्रमुख जिल्ला अधिकारीले त्यस्ता समस्या समधानको लागि विशेष भूमिका खेल्नु पर्ने सुझाव दिएका थिए ।
प्रजिअ शर्माले जिल्लामा देखिएका समस्या समधानको लागि आफूले स्थानीय सरकार, राजनीतिक दल, नागरिक समाज, पत्रकार लगायतसँग समन्वय गरेर अगाडि बढ्ने प्रतिबद्धता जनाएका छन् ।
पाँचथरबाट सरुवा भएर आएका प्रमुख जिल्ला अधिकारी अर्जुन कुमार शर्माले मंगलबार देखि रामेछापको प्रजिअको जिम्मेवारी सम्हालेका छन् ।
भिडियो हेर्न यहाँ क्लिक गर्नुहोस
आफ्नो प्रतिकृया दिनुहोस्