रामेछाप– उद्योग वाणिज्य महासंघ बागमती प्रदेशको निर्वाचनमा रामेछाप जिल्लाबाट रामेछाप उद्योग वाणिज्य संघका निवर्तमान अध्यक्ष श्याम थापाले उम्मेद्वारी दिन पाउने भएका छन् । रामेछाप उद्योग वाणिज्य संघका अध्यक्ष केशव प्रसाद घिमिरेको अध्यक्षतामा मंगलबार बसेको बैठकले थापालाई प्रदेशको निर्वाचनमा उम्मेद्वारी दिन पाउने गरी निर्णय गरेपछि प्रदेश महासंघको निर्वाचनमा जुनसुकै पदमा पनि उम्मेद्वारी दिन पाउने भएका हुन् ।
‘यहि पौष ११ गते देखि १३ गते सम्म हुने उद्योग वाणिज्य महासंघ बागमती प्रदेशको साधारसभामा सहभागी हुँदै निर्वाचनमा उम्मेद्वारी समेत दिन पाउने गरी संघका निवर्तमान अध्यक्ष श्याम थापाको नाम सर्वसम्मतिबाट निर्णय गरेका छौँ, रामेछाप उद्योग वाणिज्य संघका अध्यक्ष केशव प्रसाद घिमिरेले भने, उहाँले जुनसुकै पदमा पनि उम्मेद्वारी दिन पाउनु हुन्छ ।’
आफ्नो नाम सर्वसम्मतिबाट सिफारिस गरेकोमा रामेछाप उद्योग वाणिज्य संघको सिंगो कार्यसमितिलाई धन्यबाद दिँदै निवर्तमान अध्यक्ष थापाले भने– ‘बागमती प्रदेश भरीकै व्यवसायिहरुको हितमा काम गर्ने संस्थाको निर्वाचनमा सहभागी हुने मौका मिलेको छ । यसलाई अवसरको रुपमा लिएको छु । प्रदेश समितिमा सहभागिता हुने गरी तयारीमा लाग्ने छु ।’
पदाधिकारी र पाँच सदस्य पदको लागि हुने निर्वाचनमा आफ्नो उम्मेद्वारी अहिले नै यकिन नभइसकेको थापाले बताए ।
