रामेछाप– पि.एन.पी. अटो मोबाइल्स मन्थलीले ट्राफिक प्रहरीलाई स्वास्थ्य सुरक्षाका सामग्री उपलब्ध गराएको छ । अग्रपंक्तीमा रहेर काम गर्ने ट्राफिक प्रहरीहरुको स्वास्थ्य सुरक्षामा सहयोग पुर्याउने उद्देश्यले सोमबार यामाहा सोरुमको आधिकारिक विक्रेता पि.एन.पी. अटो मोबाइल्सले जिल्ला ट्राफिक कार्यालय रामेछापलाई स्वास्थ्य सुरक्षाका सामग्री उपलब्ध गराएको हो ।
कोरोना भाइरसबाट बच्नको लागि ह्यान स्यानीटाइजर २३ बट्टा, एन–९५ माक्स २२ थान, सर्जिकल माक्स पाँच बट्टा र ग्लोब्स दुई प्याकेट सामग्री उपलब्ध गराईएको पि.एन.पी. अटो मोबाइल्सका संचालक नारायण प्रधानले बताउनुभयो । पि.एन.पी. अटो मोबाइल्सले उपलब्ध गराएको सामग्रीले मानिसहरुको भिडभाडमा कोरोना भाइरस सर्नबाट जोगाउनमा सहयोग पुग्ने जिल्ला ट्राफिक कार्यालय रामेछापका प्रमुख रामेश्वर पाण्डेले बताउनुभयो ।
आफ्नो प्रतिकृया दिनुहोस्