भक्तपुर– भक्तपुरको सुर्यविनायकमा नेपाल क्योकुशिन–सेईसिन काईकान कराँते संघको आयोजना तथा आशा फर चिल्ड्रेन फाउन्डेशनको सह–आयोजनामा फागुन २ र ३ गते दुई दिनसम्म सम्पन्न “प्रथम बागमती प्रदेशस्तरीय पुरुष तथा महिला तौल समूह फुलकन्ट्याक्ट (क्योकुशिन–सेईसिन) कराँते प्रतियोगिता–२०८२” सम्पन्न भएको छ ।
प्रतियोगितामा बागमती प्रदेशका १५ विद्यालयका कुल २२८ खेलाडीले २५, ३०, ३५, ४०, ४५ र ५० केजी तौल समूहमा पुरुष तथा महिला स्पर्धामा प्रतिस्पर्धा गरेका थिए ।
पुरुषतर्फ ५० केजीमा निगमल तामाङ (बाणिविलास मावि), ४५ केजीमा प्रज्ञा पाण्डे (गोलढुंगा स्कुल), ४० केजीमा प्रतिक तामाङ (गोलढुंगा), ३५ केजीमा प्रदिप ठोकर (बाणिविलास), ३० केजीमा प्रयास तामाङ (गोलढुंगा) र २५ केजीमा सिमन गुरुङ (गोलढुंगा) विजयी भए ।
महिलातर्फ ५० केजीमा विधा तामाङ (शाइनिङ स्कुल), ४५ केजीमा सन्तोषी शिवाकोटी (आशा शिक्षा सदन), ४० केजीमा आकृति पौडेल (शान्तिदिप), ३५ केजीमा स्नेहा श्रेष्ठ (शाइनिङ), ३० केजीमा युनिशा तामाङ (शाइनिङ) र २५ केजीमा जेसी रुम्बा (ओम स्कुल) स्वर्ण विजेता बने ।
पुरुषतर्फ सफल थामी, संयोग जर्का मगर, महेश तामाङ, सोहन महर्जन, आदित्य कोईराला र आदेश तामाङ तथा महिलातर्फ दिव्याना जोशी, आशा चदरा, प्रकृति लिगल, शुशिला खत्री, प्रनिशा तामाङ र सुदृष्टि सापकोटा रजत पदक विजेता बने ।
पुरुषतर्फ खुमबहादुर थामी, मन्जिल विष्ट, विजय विक, प्रतिक बानिया, समल लिम्बु र रिवान मास्के तथा महिलातर्फ अक्क्षेता पाण्डे, जमुना तामाङ, निशा विष्ट, आबकति चदरा, सुप्रिया खड्का र देवान्सी थापा कास्य पदक विजेता भए । अर्को समूहमा राजा केवत, मनिष घिमिरे, जोविन बजगाई, शिशिर लिम्बु, दिपेश थापा र स्पर्श ढुंगेल तथा महिलातर्फ जेशिका प्रधान, आरोही थापा, विधि घिमिरे, अबिना स्यांताङ र आषुतोष बादेले पनि कास्य जिते । प्रतियोगितामा शाइनिङ स्कुलकी स्रेया सुलु र काभ्रे सेकेन्डरी स्कुलकी आरुशी फुयाल ‘बेस्ट फाइटर’ घोषित भए ।
प्रतियोगिता सूर्यविनायक नगरपालिकाका मेयर बासुदेव थापाको प्रमुख आतिथ्यमा तथा संघका केन्द्रीय अध्यक्ष तथा नेपाल ब्रान्चचिफ सिहान अशोक कुमार श्रेष्ठको अध्यक्षतामा सम्पन्न भएको थियो । विशेष अतिथिमा पूर्व जिल्ला खेलकुद विकास समितिका अध्यक्ष तथा नगर खेलकुद सदस्य सचिव दीपक थापा, आशा फर चिल्ड्रेनका अध्यक्ष सुश्मा बज्राचार्य, उपाध्यक्ष डा. स्वयम प्रकाश श्रेष्ठ, कोषाध्यक्ष बिन्दुसागर शाक्य, सदस्य उदयहर्ष बज्राचार्य, सदस्य प्रमिला लामिछाने तथा विद्यालय व्यवस्थापन समितिका अध्यक्ष कृष्णगोपाल श्रेष्ठ सहभागी थिए । कार्यक्रममा रोम्बस स्कुलका प्रिन्सिपल राजेन्द्र कोजु अतिथि थिए भने स्वागत मन्तव्य आशा शिक्षा सदनकी सहायक प्रिन्सिपल सृजना तामाङले व्यक्त गरेकी थिइन् ।
समापन समारोहमा अध्यक्ष अशोक कुमार श्रेष्ठ र अध्यक्ष सुश्मा बज्राचार्यले विजेतालाई शिल्ड, मेडल तथा प्रमाणपत्र प्रदान गरेका थिए । प्रतियोगिताको मुख्य जुरीमा अशोक कुमार श्रेष्ठ, सहायक जुरीमा राजेन्द्र थापा तथा निर्णायकमा विशाल बल, प्रकाश तामाङ, सन्तोष गुप्ता, बुद्ध तामाङ, राजकुमार बल, सम्पूर्ण महर्जन र एन्जिला श्रेष्ठ रहेका थिए ।
