रामेछाप- नेपाल आदिवासी जनजाति पत्रकार महासंघ (फोनिज) दुई पत्रकारलाई नगद पुरस्कार सहित सम्मान गरेको छ । फोनिजले आफ्नो २६ औं स्थापना दिवसको अवसरमा शनिबार सदरमुकाम मन्थलीमा आयोजना गरेरको कार्यक्रममा नेपाल पत्रकार महासंघ रामेछापका निवर्तमा अध्यक्ष बद्री नयाँघरे र प्रेस युनियन रामेछापको अध्यक्ष ज्ञानु श्रेष्ठलाई सम्मान गरेको हो ।
आदिवासी जनजातिको क्षेत्रमा खोजमूलक समाचार लेखनमा सक्रिय योगदान दिएको भन्दै पत्रकार नयाँघरेलाई “खोज पत्रकारिता पुरस्कार” र श्रेष्ठलाई “नेपाल आदिवासी जनजाति पत्रकारिता वर्ष पुरस्कार” २०८२ बाट सम्मानित गरिएको फोनिज रामेछाले बताएको छ ।
स्थापना दिवसको अवसरमा आयोजित कार्यक्रममा “पर्यटन प्रवर्धनमा पत्रकारको भूमिका” विषयक अन्तरक्रिया कार्यक्रम समेत भएको छ । कार्यक्रममा फोनिज रामेछापका निर्वतमान अध्यक्ष नवराज श्रेष्ठले संस्थागत कार्यपत्र प्रस्तुत गरेका थिए भने सचिव सुमित्रा थोकरले पर्यटन प्रवर्धनमा पत्रकारको भूमिका विषयक कार्यपत्र प्रस्तुत गरेकी थिइन् ।
फोनिज रामेछापका अध्यक्ष कुमार श्रेष्ठको अध्यक्षतामा भएको कार्यक्रममा मन्थली नगरपालिकाका नगरप्रमुख लब श्रेष्ठले मन्थली नगरपालिकाले पर्यटन विकासका लागि विभिन्न योजना बनाई कार्यान्वयन गरिरहेको बताएका थिए ।
कार्यक्रममा फोनिज बागमती प्रदेशका अध्यक्ष युवराज श्रेष्ठ, नेपाल पत्रकार महासंघका केन्द्रीय सदस्य नवराज पथिक, नेपाल पत्रकार महासंघ रामेछापका अध्यक्ष दिपक घिमिरे, पूर्व अध्यक्षहरू हिमाल ढुंगेल, टिका प्रसाद भट्ट, बद्री नयाँघरे लगायतले शुभकामना मन्तव्य व्यक्त गर्दै फोनिज रामेछापको पत्रकारिता क्षेत्रमा दिएको योगदानको प्रशंसा गरेका थिए ।
