रामेछाप- रामेछापको सदरमुकाम मन्थलीमा रहेको जिल्लाकै पहिलो नीजि क्षेत्रबाट संचालित स्कुल लिट्टिल स्टार अंग्रेजी स्कुलले विभिन्न कार्यक्रम गरेर विश्व वातावरण दिवस मनाएको छ । जेठ २३ गते बुधबार विहान विद्यालय परिसरबाट शुरूभएकाे प्रभातफेरी जिल्ला समन्वय समिति हुँदै देवकोटा चाेकमा पुगेर काेणसभामा परिणत भएकाे थियाे ।
विद्यार्थीहरूले याे वर्षको विश्व वातावरण दिवसको मुख्य नारा ‘हाम्रो भूमि, हाम्रो भविष्य’ लेखिएको प्लेकार्ड सहित बजार परिक्रमा गरेका थिए । प्रभातफेरीमा विद्यालयका प्रधानध्यापक रमेश फुयाल, सहायक प्रधानध्यापक हस्त बहादुर लामा लगाएत शिक्षकहरूकाे पनि सहभागीता रहेको थियाे । लिट्टल स्टार बाल क्लबकाे आयाेजनामा भएकाे प्रभातफेरी पछि विद्यार्थीहरूले मदन आश्रीत चाेक र विपि चाेकमा सरसफाइ गरेका थिए भने विद्यालय परिसरमा बहुउपयाेगी वृक्ष राेपेका थिए ।
