रामेछाप- रामेछापको मन्थली नगरपालिका वडा नम्बर १ मा रहेको सानीमदाै सामुदायिक वन क्षेत्रमा वृक्षरोपण गरिएको छ । विश्व वातावरण दिवसको अवसरमा बुधवार वृक्षरोपण गरिएको हाे । सामुदायिक वनका उपभोक्ता सहित जिल्लाका सराेकारवालाहरूकाे सहभागीतामा वृक्षरोपण गरिएकाे हाे । साे वन क्षेत्रमा जिल्ला वन कार्यालय रामेछापको सहयाेगमा विभिन्न किसिमका वृक्षहरू राेपिएकाे सानीमदाै सामुदायिक वन उपभोक्ता समितिका काेषाध्यक्ष युवराज सुवेदीले जानकारी दिए ।
त्यसैगरी साेहि वन क्षेत्रमा विश्व वातावरण दिवसको सन्दर्भमा आयाेजना गरिएको एक कार्यक्रममा रामेछापका सहायक प्रमुख जिल्ला अधिकारी किसन न्याैपानेले जलवायु परिवर्तनकाे असर कम गर्न वृक्षरोपण जरुरी भएकाे वताए । उनले हरियाली प्रवर्धन सहित उपभोक्ता लाई पनि फाइदा हुने बताए । कार्यक्रममा जिल्ला वन कार्यालय रामेछापका प्रमुख ओम सागर भण्डारीले नेपालमा जलवायु परिवर्तनकाे असर देखिएकाे भन्दै न्यूनिकरणकाे लागि वृक्षारोपण गर्नु महत्त्वपूर्ण हुने बताए । तापमान वृद्धिले मानिस लगाएत वनस्पति र अन्य प्राणिजगतमा ठूलो असर पर्ने उनकाे भनाइ थियाे । उनले जिल्ला वन कार्यालय रामेछापले बहुउपयाेगी वृक्ष लगाउने अभियानमा स्थानीय उपभोक्ताहरू लाई सहयाेग गर्ने बताए ।
कार्यक्रममा राष्ट्रिय अनुसन्धान जिल्ला कार्यालय रामेछापका प्रमुख अनुसन्धान अधिकृत उमा अधिकारी, सामुदायिक वन उपभोक्ता महासंघका केन्द्रीय सदस्य दुर्गा बहादुर श्रेष्ठ, नेपाल पत्रकार महासंघ रामेछापका अध्यक्ष बद्री नयाँघरे, मन्थली नगरपालिका वडा नम्बर १ का वडाध्यक्ष हाेम प्रसाद पाैडेल, (रामहरि ), मन्थली माध्यमिक विद्यालयका सहायक प्रधानध्यापक चन्द्र सिं धामी र सामुदायिक वनका अध्यक्ष कुमार प्रसाद सुवेदी लगाएतले विश्व वातावरण दिवसको अवसरमा विचार राखेका थिए । कार्यक्रममा जिल्लाका चार ओटै सुरक्षा निकायका प्रमुख, सरोकारवाला निकाय लगायतका प्रतिनिधिहरु सहभागिता रहेको थियो ।
प्रत्येक वर्षकाे जुन महिनाको ५ तारिखमा मनाइने विश्व वातावरण दिवसको याे वर्षको नारा हाम्रो भूमि ,हाम्रो भविष्य राखिएको थियाे।
