रामेछाप- रामेछापको सदरमुकाम मन्थलीमा स्थानीय तहसँग नेपाल बिमा प्राधिकरण विषयक अन्तरक्रिया तथा छलफल कार्यक्रम सम्पन्न भएको छ । नेपाल बिमा प्राधिकरणले चैत २२ गते बिहीबार स्थानीय तहका जनप्रतिनिधिहरूलाई बिमाको बारेमा जानकारी गराउँदै कार्यक्रम सम्पन्न भएको हो ।
नेपाल बिमा प्राधिकरणका उपनिर्देशक श्रद्धा श्रेष्ठको अध्यक्षतामा भएको सो कार्यक्रममा बोल्दै मन्थली नगरपालिका प्रमुख लव श्रेष्ठले बिमाको बारेमा जानकारी दिन आवश्यक रहेको भन्दै जनप्रतिनिधि मार्फत गाउँ बस्तीमा बिमा गर्नुपर्ने अवस्थाको बारेमा नागरिकहरू लाई स्पष्ट पार्नुपर्ने जरुरी रहेको बताए । त्यसै गरी नेपाल बिमा प्राधिकरणका सहायक निर्देशक केदारनाथ भट्ट, बिमा प्राधिकरणकै प्रतिनिधि आर्या रावलले प्राधिकरणको परिचय, नेपालमा बिमा क्षेत्रको अवस्था, बिमाको बिस्तार गर्नको लागि स्थानीय तहको भूमिका र प्राधिकरणले समन्वय गर्न सक्ने क्षेत्र लगायतको विषयमा जानकारी दिएका थिए।सोही अन्तरक्रिया तथा छलफल कार्यक्रममा बोल्दै नेपाल पत्रकार महासंघ बागमती प्रदेशका कोषाध्यक्ष रमेश ढुङ्गेलले सार्वजनिक सञ्चार माध्यमबाट बिमाको विषयमा व्यापक रूपमा सूचना प्रवाह गर्न प्राधिकरणलाई आग्रह गरे । उनले बिमालाई सबै नागरिकको पहुँचमा पु¥याउनुपर्ने बताए । कार्यक्रममा मन्थली नगरपालिका उपसचिव हेमन्त कुमार बुढाथोकी, मन्थली नगरपालिकाका जनप्रतिनिधि, सञ्चारकर्मी, जिल्ला स्थित बिमा कम्पनीका प्रमुख एवं प्रतिनिधिहरू लगायतको सहभागिता रहेको थियो ।
