रामेछाप– रामेछाप उद्योग वाणिज्य संघ रामेछापका अध्यक्षले स्थानीय उत्पादनको प्रवर्द्धन र बजारीकरणमा सहयोग पुर्याउने उद्देश्यले वृहत् रामेछाप महोत्सवको आयोजना गर्न लागिएको बताएका छन् । बिहीबार देखी सुरु भएको ११ दिने वृहत् रामेछाप महोत्सवको उद्घाटन सभामा आफ्नो भनाई राख्दै अध्यक्ष थापामगरले रामेछापको स्थानीय उत्पादन कृषिजन्य बस्तुको प्रचार प्रसार अभाव र बजारीकरण गर्न नसकेर आर्थिक रूपमा समेत जिल्ला पछाडि परेकाले स्थानीय उत्पादनको प्रवर्द्धन र बजारीकरणमा सहयोग पुर्याउने उद्देश्यले महोत्सवको आयोजना गर्न लागिएको बताएका हुन् ।
अध्यक्ष थापामगरले महोत्सवको मुख्य उद्देश्यको बारेमा बताउँदै भने– ‘रामेछापमा धेरै कृषि जन्य बस्तुहरू उत्पादन हुन्छन् । तर त्यस्ता बस्तुको प्रवर्द्धन गर्न नसक्दा र बजारीकरणमा ध्यान नदिँदा धेरै बस्तुहरू खेर जाने गरेका छन् । अब हामी यही महोत्सव मार्फत रामेछापमा उत्पादन हुने बस्तुको प्रचार प्रसार गरेर प्रवर्द्धन गर्दै बजारीकरणमा सहयोग पु¥याउँछौँ । यहाँ जुनार, सुन्तला, किवी, आलु, मुला, माहुरीको मह, विभिन्न प्रकारका गेडागुडी उत्पादन हुने गरेका छन् । यिनै बस्तुहरूले हाम्रो इस्टलहरु भरिएका छन् । यहाँ आउने दर्शकले अर्ग्यानिक कृषि जन्य बस्तुको स्वाद लिन पाउनु हुने छ । साथै ११ दिनको लामो महोत्सवमा यहाँका धेरै स्थानीय उत्पादनको बारेमा प्रचार प्रसार हुने छ । यसमा सबैले साथ र सहयोग गर्नु प¥यो ।’
कृषि जन्य बस्तु, रामेछापमै उत्पादन भएका विभिन्न बस्तुहरू राख्नको लागि इस्टलहरु निःशुल्क उपलब्ध गराइएको पनि अध्यक्ष थापामगरले बताए ।
रामेछापका ८ ओटै स्थानीय तहसँगको समन्वयमा गरिएको महोत्सवले रामेछापका गाउँ–गाउँमा उत्पादन भएका कृषि जन्य बस्तुको बजारीकरणमा थप सहयोग पुग्ने अपेक्षा लिएको उनले बताए । महोत्सव अवधिभर जिल्लामा भएका पर्यटकीय क्षत्रको प्रचार प्रसारमा समेत विशेष जोड दिइने अध्यक्ष थापामगरको भनाई रहेको छ ।
महोत्सवमा राखिएका कृषि जन्य बस्तु र रामेछापमा उत्पादन भएका विभिन्न बस्तुको उत्पादनलाई वृद्धि गर्न र बजारीकरणमा सहयोग गर्न प्रदेश सरकार र सरोकारवाला निकायहरूले सहयोग गर्नु पर्नेमा उनको जोड रहेको थियो ।
पौष २६ गतेबाट सुरु भएको महोत्सव माघ ७ गते सम्म चल्ने रामेछाप उद्योग वाणिज्य संघका महासचिव कुमार श्रेष्ठले बताए ।
